25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Լևոն Տեր-Պետրոսյանը մրցում է Վազգեն Մանուկյանի հետ. Ալեն Սիմոնյան. ՏԵՍԱՆՅՈՒԹ
Քաղաքականություն
17.03.2021 | 12:27
Առաջին նախագահը մրցման մեջ է մտել Վազգեն Մանուկյանի հետ՝ երևի 1996 թվականի իրադարձություններից ելնելով։ Այս մասին, այսօր՝ մարտի 17-ին, ԱԺ-ում լրագրողների հետ զրույցում նշեց ԱԺ փոխխոսնակ Ալեն Սիմոնյանը՝ անդրադառնալով առաջին նախագահ Լևոն Տեր-Պետրոսյանի արած հայտարությանն այն մասին, որ Նիկոլ Փաշինյանը պետք է հրաժարական տա և անձեռնմխելիություն ստանալով՝ ապաստան գտնի արտերկրում:
«Հարգելով առաջին նախագահի անձը՝ չեմ ուզում շարունակել մեկնաբանել նրա հայտարարությունը։ Միայն կարող եմ ասել, որ Լևոն Տեր-Պետրոսյանի վերջին հայտարարությունը անհեթեթություն էր»,- նշեց Սիմոնյանը:
Անդրադառնալով Տեր-Պետրոսյանի պնդմանը, թե իշխող ուժի կողմից կազմակերպված արտահերթ ընտրությունների անցկացման դեպքում, նրանք չեն խորշելու վարչական ռեսուրսների համատարած օգտագործումից, Ալեն Սիմոնյանը նշեց. «Պարոն Տեր-Պետրոսյանը, վերաիմաստավորելով անցյալը, ապագա գնալուց, որն իր կարգախոսն էր, պետք է նախ խոսի 1996 թվականի ընտրությունների իր գնահատականի մասին: Այդ ընտրություններից հետո տեղի ունեցած իրադարձությունների ու դրանցում իր ունեցած դերի մասին և նոր միայն դրանից հետո խոսի և այդ խոսքը լինի կշիռ ունեցող: Որովհետև եթե դու ինքդ 1996-ին ընտրությունների հետ կապված մեծ խնդիր ես ունենում, դրանից հետո հրաժարական ես տալիս, չես մեկնում այլ երկիր ապաստան գտնելու, հիմա ճիշտ չէ այդպիսի բան ասել»:
Մանրամասները՝ տեսանյութում:
