30.06.2026 | 16:03
ՌԴ-ում տաքսու վարորդներն ավելի քիչ են աշխատանքի դուրս գալիս՝ վառելիքային ճգնաժամի ֆոնին
2021-ին տնտեսական աճը պետք է լիներ 2 տոկոս, այժմ մեր գնահատականներով այն կկազմի 1,4 տոկոս. Մարտին Գալստյան
16.03.2021 | 17:54
ՀՀ կենտրոնական բանկի կանխատեսումներով՝ գնաճի որոշակի արագացումից հետո կանխատեսվող հորիզոնը կնվազի և կկայունանա նպատակային 4 % ցուցանիշի շուրջ։ Այս մասին այսօր հրավիրված ասուլիսի ժամանակ ասաց ԿԲ նախագահ Մարտին Գալստյանը։
«Տնտեսական հեռանկարների մասով բարձր անորոշությունների ներքո կանխատեսված միջնաժամկետ ուղեգծից գնաճի շեղման ռիսկերը հավասարակշռված են և դրանց դրսևորման պարագայում ԿԲ-ն պատրաստ է համապատասխանորեն արձագանքել՝ ապահովելով գների կայունության նպատակի իրագործումը»,- նշեց ԿԲ նախագահը։
Անդրադառնալով տնտեսական աճի ցուցանիշի վերաբերյալ կանխատեսումներին՝ Մարտին Գալստյանը նշեց, որ Կենտրոնական բանկը վերանայել է 2021 թվականին կանխատեսվող տնտեսական ակտիվության ցուցանիշը․
«Եթե նախկինում մեր գնահատականներով Հայաստանում 2021 տնտեսական աճը պետք է լիներ 2 %, այժմ մեր գնահատականներով այն կկազմի 1,4 %։ Սա հիմնականում պայմանավորված է 4-րդ եռամսյակի ընթացքում ու այս տարվա առաջին եռամսյակով որոշա տնտեսության ճյուղերում նկարագրված ու արձանագրված թուլացումներով՝ մասնավորապես՝ արդյունաբերության ճյուղում, ծառայությունների ճյուղում և գյուղատնտեսության ճյուղում կան որոշակի նվազումներ»,- նշեց Գալստյանը։
Անժելա Պողոսյան
