28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Ինտերպոլից գուցե ստացվել են քաղաքական դրդապատճառներով մերժված գործեր. փոխոստիկանապետ. ՏԵՍԱՆՅՈՒԹ
Քաղաքականություն
16.03.2021 | 14:32
«Այս պահին չեմ կարող որևէ տեղեկություն տրամադրել, քանի որ նոր է հրապարակվել տվյալ փաստաթուղթը, որին դեռ ծանոթ չեմ»,- այսօր խորհրդարանում լրագրողների հետ զրույցում ասաց ՀՀ փոխոստիկանապետ Արա Ֆիդանյանը՝ անդրադառնալով անկախ պատգամավոր Թագուհի Թովմասյանի հրապարած փաստաթղթին, ըստ որի՝ նախկին դատախազ Գևորգ Կոստանյանի հետախուզումը Ինտերպոլը համարել է քաղաքական և մերժել է ՀՀ-ի հետ համագործակցությունը։
Հարցին, թե արդյո՞ք ոստիկանությունը մերժում ստացել է Ինտերպոլից, Արա Ֆիդանյանը հստակ չպատասխանեց, այլ ասաց, որ հայկական կողմը բավականին մեծ թվով հայցեր է ներկայացրել, մեծ թվով գրագրություն է եղել, բայց ինքը չի հիշում՝ ում վերաբերյալ հարցումն է հրատարակվել, ումը՝ ոչ։
«ՀՀ-ում մոտ 500 հոգի կա, որ հետախուզվում է Ինտերպոլի կողմից, և անունները հստակ հիշել չեմ կարող։ Ըստ էության, մենք մերժում չենք ստանում քաղաքական հիմնավորմամբ: Մենք ստանում ենք հետախուզում հայտարարելու վերաբերյալ որոշումներ, և այնտեղ մեղադրանքները բազմաթիվ են։ Չեմ կարող հստակ ասել, թե որ հոդվածով է եղել հետապնդումը…։ Մի քանի գործով գուցե Ինտերպոլից ստացած լինենք, որ քաղաքական հետապնդում է, բայց թե ում մասով, չեմ կարող ասել»,- նշեց Ֆիդանյանը։
Մանրամասները՝ տեսանյութում:
