08.10.2026 | 12:30
Ուկրաինական ԱԹՍ-ները հարվածել են Ռյազանում «Յանդեքս»-ի տվյալների կենտրոնին և Բաշկորտոստանում նավթավերամշակման գործարանին
Զբաղվում ենք նաև այլ «ֆեյքերով». ԱԱԾ տնօրենի տեղակալը համամիտ չէ, որ կենտրոնացել են մեկ «ֆեյքի» վրա. ՏԵՍԱՆՅՈՒԹ
Հասարակություն
16.03.2021 | 12:17
Հեռու եմ այն մտքից, որ բացարձակ սխալ ուղղությամբ ենք գնացել։ Այս մասին լրագրողների հետ զրույցում նշեց ԱԱԾ տնօրենի տեղակալ, գեներալ-մայոր Տիգրան Հարությունյանը՝ անդրադառնալով «Գագիկ Սողոմոնյան» ֆեյքի վերաբերյալ քրեական գործին։
«Էջը մուտք գործելու թույլտվություն ունեն մի քանի անձինք և տպավորություն է ստեղծվում, որ էջը շարունակում է գործել որպես «Գագիկ Սողոմոնյան» առանձին անհատ: Այդ գործով նախաքննություն է ընթանում և ամբողջ շրջանակը պարզ կլինի նախաքննության ընթացքում»,- նշեց Հարությունյանը՝ ընդգծելով նաև, որ չեն կենտրոնացել մեկ ֆեյքի»վրա, այլ զբաղվում են նաև այլ ֆեյքերով»,- նշեց Հարությունյանը:
Լրագրողի այն դիտարկմանը, որ նախկինում ԱԱԾ մեկուսարանում եղել են այնպիսի հանցագործներ, որոնք լուրջ վտանգներ են ներկայացրել պետության համար, իսկ այժմ ԱԱԾ-ն ֆեյքերով է զբաղվում, «սատանաներ» է փնտրում, Հարությունյանը նշեց. «Սատանա չենք փնտրել երբեք, պետք չէ չափազանցնել։ Խնդիրը մեկ ֆեյքով չի սահմանափակվում, խնդիրը նրանում է, որ մեդիադաշտում ունենք բավականին ագրեսիվ ստի տարածման փորձեր»։
Մանրամասները՝ տեսանյութում:
