11.10.2026 | 18:49
Թրամփը կրկին հայտարարել է, որ Ռուսաստանն ու Ուկրաինան համաձայնության են եկել էներգետիկ հրադադարի շուրջ
Ամեն ինչ հնարավոր է. Զիդանը՝ Ռոնալդուի՝ Ռեալ վերադառնալու հավանականության մասին
15.03.2021 | 23:01
«Ռեալի» գլխավոր մարզիչ Զինեդին Զիդանը ՉԼ 1/8 եզրափակչի՝ «Ատալանտայի» դեմ պատասխան խաղից առաջ մեկնաբանել է «Յուվենտուսի» հարձակվող Կրիշտիանու Ռոնալդուի՝ մադրիդյան ակումբ հավանական վերադարձի մասին. գրում է armsport.am-ը։
«Այո, ամեն ինչ կարող է լինել։ Մենք գիտենք Կրիշտիանուին, գիտենք նրա անձն ու հիշում ենք այն ամենն, ինչ նա արել է թիմի համար։ Հիմա նա «Յուվենտուսի» խաղացող է, մենք պիտի հարգենք դա։ Տեսնենք՝ ամեն ինչ ինչպես կդասավորվի ապագայում։ Ինձ երջանկացնում էր նրան մարզելն, ու Կրիշտիանուն ինձ շատ էր տպավորում։ Հենց հիմա նա այլ թիմի է օգնում»,- ասել է Զիդանը:
Ավելի վաղ էլ «Ռեալի» հարձակվող Կարիմ Բենզեման էր մեկնաբանել այդ լուրերը:
«Ռոնալդուի հետ մենք շատ բանի ենք հասել «Ռեալում»: Ես չգիտեմ, թե ինչպես է Կրիշտիանում զգում իրեն «Յուվենտուսում»: Նա միշտ նորմալ է պահել իրեն, երբ իմ կողքին է եղել: Ես չգիտեմ՝ կվերադառնա նա «Ռեալ», թե ոչ: Ես մարզիչը չեմ, ոչ էլ նախագահն եմ»,- ասել էր Բենզեման:
