17.07.2026 | 22:44
Երթևեկության կազմակերպման փոփոխություն կկատարվի Երևանի Վարշավյան փողոցում
Չորս անչափահասի մահվան ելքով ավտովթարի դեպքի առթիվ հարուցվել է քրգործ
Հասարակություն
15.03.2021 | 16:37
ՀՀ քննչական կոմիտեից տեղեկացնում են, որ ՔԿ Արագածոտնի մարզային քննչական վարչության Թալինի քննչական բաժնում քննություն է տարվում՝ 4 անձի մահվան ելքով ավտովթարի հանգամանքները պարզելու ուղղությամբ:
2020 թվականի մարտի 14-ին՝ ժամը 19:00-ի սահմաններում, Արագածոտնի մարզի Թալին քաղաքի անչափահաս բնակիչը՝ ծնված 2006թ., իր վարած «Օպել» մակնիշի ավտոմեքենայով Թալին քաղաքի ուղղությամբ երթևեկելիս, Երևան-Գյումրի ավտոճանապարհի 67-րդ կմ հատվածում դուրս է եկել ճանապարհի երթևեկելի ուղեմասից ձախ, բախվել դաշտամիջյան քարերին՝ վթարի ենթարկվել, որի հետևանքով ավտոմեքենայում գտնվող 4 անչափահաս ուղևորներին անզգուշությամբ պատճառվել է մահ, իսկ վարորդը՝ մարմնական վնասվածքներով, տեղափոխվել է բժշկական կենտրոն:
Դեպքի առթիվ նույն օրը ՀՀ քննչական կոմիտեի Արագածոտնի մարզային քննչական վարչության Թալինի քննչական բաժնում հարուցվել է քրեական գործ՝ ՀՀ քրեական օրենսգրքի 242-րդ հոդվածի (ճանապարհային երթևեկության անվտանգության ապահովմանն ուղղված պահանջները կամ ճանապարհային երթևեկության կամ տրանսպորտային միջոցների շահագործման կանոնները խախտելը) 3-րդ մասով:
Կատարվում է նախաքննություն:
