30.06.2026 | 15:55
Հայաստանը մեկ տարով երկարաձգել է մի շարք երկրների քաղաքացիների համար առանց վիզայի մուտքի ռեժիմը
Կառավարության նախագիծը եթե ընդունվի՝ կխաթարի ՄԻՊ-ի անկախությունը և կխոչընդոտի ՀՀ-ում նրա գործունեությունը. Freedom House
Հասարակություն
13.03.2021 | 11:28
Freedom House միջազգային իրավապաշտպան կազմակերպությունը հայտարարություն է տարածել ՀՀ ՄԻՊ աշխատակազմի ֆինանսական անկախության երաշխիքի վերացման Կառավարության նախագծի առնչությամբ։
Հայտարարության մեջ մասնավորապես ասվում է․
««Հայաստանի իշխանությունները պետք է ապահովեն երկրում ժողովրդավարական և մարդու իրավունքների ինստիտուտների, այդ թվում՝ քաղաքացիական հասարակության անխոչընդոտ գործունեությունը», – ասել է Freedom House- ի Եվրոպայի և Եվրասիայի հարցերով տնօրեն Մարկ Բեհրենդտը:
Այս նոր օրինագիծը, եթե ընդունվի, կխաթարի Մարդու իրավունքների պաշտպանի անկախությունը և կխոչընդոտի Հայաստանում մարդու իրավունքները պաշտպանելու նրա գործունեությունը:
Միջազգային կազմակերպությունը նշել է, որ Լեռնային Ղարաբաղի հակամարտության և առկա քաղաքական ճգնաժամի համատեքստում առավել քան երբևէ կարևոր է Մարդու իրավունքների պաշտպանի հաստատության կարողությունների պահպանումը մարդու իրավունքների խախտումները վեր հանելու հարցում։ Հայտարարությունում Freedom House-ն անդրադարձել է նաև Մարդու իրավունքների պաշտպանի աշխատակազմին հատկացված մեքենաների կրճատման հարցին»։
