07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Մարալ Նաջարյանի՝ Արցախում ապրելու երազանքն ու ադրբեջանական գերության մեջ անցկացրած 4 ամիսը. ՏԵՍԱՆՅՈՒԹ
Հասարակություն
11.03.2021 | 22:06
Մարալ Նաջարյանի հետ 2020 թվականի սեպտեմբերի 9-ին ենք զրուցել, Բեյրութից նոր էին վերադարձել՝ պայթյունից հետո։ Մտադիր էին Արցախում հաստատվել։ Երբ հանդիպեցինք, արդեն դիմում էին գրել, պատասխանին էին սպասում։Քույրը՝ Անի Նաջարյանը պատմում է՝ սեպտեմբերի 15-ին արդեն Արցախում էին։
Նոյեմբերի 11-ին Մարալն ու ընտանիքի բարեկամ Վիգեն Էուլջեքյանը անձնական իրերի հետևից էին գնում, իրենց ունեցած լուրերով՝ Շուշիում դեռ հայերն էին։ Ճանապարհին նրանց ոչ ոք չի զգուշացրել, որ Շուշի գնալ չի կարելի
Այս մասին Անին երեկ է խոսել Մարալի հետ։ Մինչ այդ օրը Մարալի հետ որևէ կապ չեն ունեցել։ Բերձորը վերջին վայրն էր, որտեղ տեսել էին Մարալին ու Վիգենին: Պատերազմի ավարտից միայն 44 օր հետո՝ դեկտեմբերի 24-ին էր քույրը ՄԻԵԴ-ից տեղեկություն ստանալու, որ Մարալը ողջ է, բայց՝ Բաքվում։
Բեյրութում Մարալին սպասում էին երեխաներն ու հարազատները։
Անիին Կարմիր խաչի միջազգային կոմիտեի Լիբանանի գրասենյակն է տեղեկացրել, որ այդ օրը Ստամբուլից Բեյրութ չվերթով Մարալը տուն է վերադառնալու։ Ադրբեջանական կողմը Մարալին այդ մասին տեղեկացրել էր մարտի 8-ին։
Հիմա անընդհատ տեսազանգով խոսել են ուզում։ Մեր նկարահանման ընթացքում էլ զանգեցինք Մարալին՝ լիբանանյան հեռուստաալիքներից մեկին հարցազրույց էր տալիս։
Անին տեղեկացրեց, որ քույրը բժշկական հետազոտություն է անցել, արդյունքները պարզ կլինեն առաջիկայում։ Ընդդծում է՝ հատկապես հոգեբանական լուրջ աջակցության կարիք ունի։
Մանրամասները՝ տեսանյութում։
Իրինա Մկրտչյան
