17.09.2026 | 15:10
Փաշինյանը՝ ռուսական ռազմաբազայի դուրսբերման մասին // Գերմանիան ՀՀ ՊՆ-ին ձնագնացներ է նվիրել․ ԼՈՒՐԵՐ
Վեթինգը պետք է կոշտ լինի, այսպես փափուկ վեթինգով ոչնչի չենք հասնի․ Սեդա Սաֆարյան. ՏԵՍԱՆՅՈՒԹ
Հասարակություն
09.03.2021 | 17:12
Հեղափոխությունից հետո դատաիրավական համակարգում կատարված փոփոխություններն աննշան են: Այս մասին այսօր հրավիրված ասուլիսում նշեց փաստաբան Սեդա Սաֆարյանը:
«Արդարադատությունը պրոդուկտ է, որը պետք է անընդհատ ժողովրդին մատուցվի, հիմա այդ ծառայությունը դանդաղ է մատուցվում նաև այն պատճառով, որ Վճռաբեկ դատարանում կա թափուր տեղ, և խորհրդարանը ունի առաքելություն այդ թափուր տեղը լրացնելու, 3 օր ծախսեց և չլրացրեց այդ թափուր տեղը՝ բոլորովին ուրիշ հանգամանքով»,- նշեց Սաֆարյանը:
Փաստաբանի դիտարկմամբ՝ դատավորի առաջին չափանիշը ազնվությունն է, նաև իր մասնագիտությունը հարգելու կարողությունն է: «Եթե այդ երկու հատկանիշներն ունեցող դատավորներ լինեին, մեր դատական համակարգը և իրավական համակարգը այսքան խնդիր չէր ունենա: Ես գտնում եմ, որ վեթինգը իսկապես անհրաժեշտություն է, և դա փոքր-ինչ կոշտ պետք է լինի, այդպես փափուկ վեթինգով ոչնչի չենք հասնի»,- ընդգծեց Սաֆարյանը:
Մանրամասները՝ տեսանյութում:
