26.08.2026 | 23:30
Երևանում ապամոնտաժվել են ևս երկու ապօրինի կառույցներ. քաղաքապետարան
Արցախյան բարբառով գրությամբ էկո-պայուսակներ ու լոլիկի չրի պահածոներ․ կին ձեռներեցների ցուցահանդեսը. ՏԵՍԱՆՅՈՒԹ
Հասարակություն
08.03.2021 | 20:04
Մարտի 8-ին՝ Կանանց իրավունքների միջազգային օրը, «Հոդված 3» ակումբում կին ձեռներեցներն ու արվեստագետները ցուցադրում և վաճառում էին իրենց ձեռագործ իրերը, ստեղծագործություններն ու ապրանքները։ Ցուցահանդես-տոնավաճառը կարևոր հարթակ է նաև արցախցի կանանց և նրանց կողմից ստեղծված սոցիալական նախաձեռնությունների ճանաչման ու խրախուսման համար։
«Լոլի» պահածոների արտադրության համահիմնադիր Կուշանե Չոբանյանը պատմում է իրենց պահածոների առանձնահատկության մասին․ «Պահածոյի տարայի վրա լոլիկի չիր է։ Այն հնարավոր չէ շփոթել այլ չրերի հետ, ինչի շնորհիվ տեսողական խնդիր ունեցողներն այն հեշտությամբ կարող են տարբերել մյուս պահածոներից»։
Արցախյան վերջին պատերազմից հետո Երևան եկած Սարինեն էլ ներկայացնում է հարազատ արցախյան բարբառով գրությամբ էկո-պայուսակները։
«Պայուսակներիցս մեկի վրա գրված է՝ «Թիթև տար»․ մայրիկս միշտ ասում էր՝ կնոջ պայուսակը պետք է թեթև լինի, որ կյանքն էլ թեթև անցնի»,- ասում է Սարինեն։
Մանրամասները՝ տեսանյութում։
Նելլի Մելքոնյան
