18.05.2024 | 17:55
Կենտրոն վարչական շրջանի և Վանաձորի մի շարք հասցեներում գազանջատումներ կլինեն
ՀՀ պետական պարտքը հատել է 8 միլիարդ դոլարի շեմը
Տնտեսություն
08.03.2021 | 17:51
Այս տարվա հունվարի վերջի դրությամբ՝ Հայաստանի Հանրապետության պետական պարտքը հատել է 8 միլիարդ դրամի շեմը՝ կազմելով 8 միլիարդ 24․9 միլիոն դոլար։ Այս մասին տեղեկանում ենք ՀՀ Ֆինանսների նախարարության ներկայացրած տվյալներից։
Այս ցուցանիշից 7 միլիարդ 522,5 միլիոն դոլարը Կառավարության պարտքն է, իսկ 499,7 միլիոն դոլարը՝ Կենտրոնական բանկինը։
Կառավարության պարտքի կազմում 5 միլիարդ 568,7 միլիոն դոլարն արտաքին պարտքն է, 1 միլիարդ 956,5 միլիոն դոլարը՝ ներքին պարտքը։
Կենտրոնական բանկի պարտքը կազմում է 499,7 միլիոն դոլար։
2020 թվականի դեկտեմբերի համեմատ՝ 2021-ի հունվարին ՀՀ պետական պարտքն ավելացել է 56,4 միլիոն դոլարով, իսկ նախորդ տարվա հունվարին ՀՀ պետական պարտքը կազմել է 7 միլիարդ 340,5 միլիոն դրամ։ Այսպիսով՝ 1 տարվա ընթացքում ՀՀ պետական պարտքն աճել է 674,4 միլիոն դոլարով։
Հիշեցնենք՝ ՀՀ ֆինանսներրի նախարար Ատոմ Ջանջուղազյանը հայտարարել էր, որ բացարձակ թվով Կառավարության պարտքը, ենթադրվում է, կմոտենա 8,5 միլիարդին, իսկ պետական պարտքը՝ մոտավորապես 8,9 միլիարդ դոլարին։
Անժելա Պողոսյան
