25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Հայ զինվորներին խոշտանգողներն օգտագործում են նույն բառերը, ինչ Ալիևը․ ՄԻՊ-ը փաստեր է ներկայացնում. ՏԵՍԱՆՅՈՒԹ
Հասարակություն
05.03.2021 | 13:43
Ադրբեջանում բարձր է հայատյացության և հայերի նկատմամբ թշնամանքի կազմակերպված քարոզի աստիճանը։ Մարտի 5-ին հրավիրված ասուլիսի ժամանակ այս մասին ասաց Մարդու իրավունքների պաշտպան Արման Թաթոյանը։
Մարդու իրավունքների պաշտպանը նշեց, որ հայ զինվորներին խոշտանգողներն օգտագործում են նույն բառերը, ինչ Ալիևը: Նա ներկայացրեց ատելություն պարունակող կամ հայատյացությունը խրախուսող ձևակերպումներ, հանրային խոսքից մեջբերումներ, որոնք ասել է Ադրբեջանի նախագահ Իլհամ Ալիևը։
Մարդու իրավունքների պաշտպանը ցուցադրեց տեսանյութեր, որոնք վերաբերում են հայ գերիների գլխատմանը, ականջ կտրելուն և ծեծի ենթարկելուն։
«Մեզ համար կարևոր նշանակություն ունի այն, որ այդ զինվորները, որոնք խոշտանգել են մեր հայրենակիցներին, հայկական կողմի քաղաքացիական անձանց, զինծառայողներին, օգտագործում են այն նույն բառերը, ինչ Ադրբեջանի նախագահը։ Սրանք ուղիղ կապի մեջ են»,- ընդգծեց Թաթոյանը։
Մանրամասները՝ տեսանյութում:
