23.04.2026 | 23:10
ԿԳՄՍ նախարարը J-PAL-ի հետ քննարկել է կրթության և գիտության ոլորտներում համագործակցության հնարավոր ուղղությունները
Հայաստանում տեղի ունեցող հասարակական-քաղաքական իրադարձությունները այդ երկրի ներքին գործն են․ Զախարովա
Քաղաքականություն
04.03.2021 | 12:52
Ռուսաստանը կարծում է, որ Հայաստանում տեղի ունեցող հասարակական-քաղաքական իրադարձությունները հանրապետության ներքին գործն են, և Մոսկվան չի կարող այլ դիրքորոշում ունենալ այս հարցում: Այս մասին հինգշաբթի օրը հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան, գրում է ՏԱՍՍ-ը:
«Դա ինքնիշխան պետության ներքին գործն է, այն այդ երկրում տեղի ունեցող քաղաքական գործընթաց է, այդ պատճառով էլ այստեղ այլ գնահատականներ չեն կարող լինել»,- ասել է նա։
Դիվանագետն ընդգծել է, որ ՌԴ-ն ոչ մի այլ դիրքորոշում չէր կարող ունենալ, քանի որ ռուսական կողմն ինքն է մշտապես այլ երկրներին կոչ անում չմիջամտել ինքնիշխան պետությունների ներքին գործերին։
Տաթև Ֆռանգյան
