07.10.2026 | 23:48
Արթուր Դանիելյանը կալանավորվեց
50 մլն դրամի նոր ծախս բյուջեի վրա. կառավարությունը նոր որոշում կայացրեց. ՏԵՍԱՆՅՈՒԹ
Տնտեսություն
04.03.2021 | 11:24
Հայաստանի Հանրապետության Կառավարության 2020 թվականի մարտի 26-ի որոշման մեջ լրացում կատարելու մասին հարցը Կառավարության այսօրվա նիստին ներկայացրեց Էկոնոմիկայի նախարար Վահան Քերոբյանը՝ հավելելով՝ նախագիծը վերաբերում է կորոնավիրուսի դեմ պայքարի երրորդ միջոցառմանը, որի ընթացքում շուրջ 800 տնտեսվարողներ վարկավորվել են շուրջ 9 միլիարդ դրամի չափով:
«Անհրաժեշտություն է առաջացել մի փոքր ճկունություն մտցնել վարկային սխեմայի պայմանների մեջ, որովհետև տնտեսվարողների մեծ մասը չէր օգտվել արտոնյալ պայմաններից: Տնտեսական ճգնաժամի երկարացմանը զուգընթաց՝ այդ կարիքը առաջացել է: Որևէ ազդեցություն բյուջեի վրա չունի, բայց էապես թեթևացնում է վարկի պայմանները և թույլ է տալիս, որ մեր գործընկերներն ունենան ավելի անկաշկանդ աշխատելու հնարավորություն»,- նշեց Քերոբյանը:
էկոնոմիկայի նախարար Վահան Քերոբյանը ներկայացրեց նաև Հայաստանի Հանրապետության Կառավարության 2020 թ. սեպտեմբերի 22-ի N 1549-Լ որոշման մեջ փոփոխություններ և լրացումներ կատարելու մասին հարցը, որը վերաբերում է կորոնավիրուսի դեմ պայքարի հետևանքների չեզոքացման 25-րդ միջոցառմանը, որը վերաբերում էր տուրիստական ոլորտի տրանսպորտային ընկերությունների վարկերի տոկոսների փոխհատուցման նախագծին:
«Ընտրված ընկերությունների շրջանակը բավականին նեղ է եղել, և նախատեսված 250 միլիոն օժանդակության ծրագրից ընդամենը մոտ 36 միլիոնն է տրվել շահառուներին: Այժմ մի փոքր ընդլայնում ենք շրջանակը՝ ընդգրկելով նաև մարդատար ավտոմոբիլների և թեթևաքաշ փոխադրամիջոցների վարձույթ և լիզինգ դասիչի ներքո աշխատող ընկերություններին, որովհետև նրանք նույնպես տուրիստական ոլորտի տրանսպորտային ընկերություններ են»,- նշեց Քերոբյանը՝ հավելելով, որ շտկումներ են իրականացվել նաև գրանցման և ընկերությունների գործունեության ծավալման ժամանակահատվածի մասով:
Վարչապետ Նիկոլ Փաշինյանը հավելեց, որ եթե նախկինում մինչև 7 նստատեղ ունեցող ավտոմեքենաներով բիզնես անողները չէին կարող օգտվել ծրագրից, այս փոփոխությամբ արդեն կարող են:
Մանրամասները՝ տեսանյութում:
