17.09.2026 | 12:56
Երկրաշարժ Շողակաթ գյուղից 3 կմ հարավ-արևելք
Բանակցություններ են ընթանում, որպեսզի օդանավը վերադառնա Երևան․ Ավինյանը՝ «անհետացած» ինքնաթիռի մասին. ՏԵՍԱՆՅՈՒԹ
Տեսանյութեր
03.03.2021 | 18:05
Այսօր Ազգային ժողովում Կառավարության անդամների հետ հարցուպատասխանի ժամանակ փոխվարչապետ Տիգրան Ավինյանը պատգամավոր Արմեն Եղիազարյանի հարցին ի պատասխան պարզաբանումներ ներկայացրեց Boeing 737 օդանավի վերաբերյալ մամուլում տարածված տեղեկությունների վերաբերյալ:
Ավինյանը տեղեկացրեց, որ օդանավի հետ կապված անհրաժեշտ աշխատանքների իրականացման նպատակով «Ֆլայ Արմենիա Էյրվեյզ» ընկերությունը պաշտոնապես դիմել է Քաղավիացիայի կոմիտե, որպեսզի Էստոնիայի Տալլին քաղաքից Ուկրաինայի «Գոստոմել» օդանավակայան մեկ դատարկ տեղափոխական թռիչքի թույլտվություն ստանա՝ կրելով թռիչքի ամբողջ պատասխանատվությունը, ինչը չի հակասում միջազգային ավիացիոն որևէ պահանջի:
«Սակայն նշված օդանավը, խախտելով կոմիտեի կողմից նախապես տրամադրված թռիչքի ուղղության վերջնակետի թույլտվությունը, իրականացրել է թռիչք՝ ոչ իրեն նախապես տրված ուղղությամբ, այլ դեպի «Վառնո» օդանավակայան, այնուհետև՝ դեպի Շարժա, սակայն դեռևս չպարզված հանգամանքներում վայրէջք է կատարել Իրանի «Մեհրաբաթ» օդանավակայանում:
Թռիչքի վերգետնյա սպասարկման, թռիչքի կազմակերպման և թույլտվությունների ստացման գործընթացի պատասխանատուն հանդիսանում է միայն շահագործող ավիաընկերությունը: Թե՛ օդաչուական անձնակազմի, թե՛ իրանական կողմի ավիացիոն իշխանությունների հավաստիացմամբ՝ վայրէջքը կրել է տեխնիկական բնույթ: Ըստ նախնական տեղեկատվության՝ եղել են վառելիքի հետ կապված խնդիրներ»,- ասաց Ավինյանը:
Փոխվարչապետը հավելեց, որ հենց այս պահին բանակցություններ են ընթանում, որպեսզի օդանավն այսօր վերադառնա Երևան:
Մանրամասները՝ տեսանյութում:
