07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Օնիկ Գասպարյանի փոխարեն իշխանությունը դիտարկում է Ջալալ Հարությունյանի և Անդրանիկ Մակարյանի թեկնածությունը
Քաղաքականություն
27.02.2021 | 17:30
Վարչապետ Նիկոլ Փաշինյանը, ինչպես հայտնի է, ՀՀ նախագահ Արմեն Սարգսյանին առաջարկել է ստորագրել ԶՈՒ Գլխավոր շտաբի պետ Օնիկ Գասպարյանին աշխատանքից ազատելու առաջարկը:
Չնայած նախագահն առաջարկը դեռևս չի ստորագրել, այնուամենայնիվ, իշխող ուժն արդեն իսկ քննարկում է, թե ով է լինելու ԶՈՒ ԳՇ հաջորդ պետը:
Factor.am-ի տեղեկություններով՝ այս պահին դիտարկվում է երկու անուն՝ ԳՇ պետի տեղակալ Անդրանիկ Մակարյանի, որը ի դեպ, չէր միացել Փաշինյանի հրաժարականի պահանջին, և ՀՀ ՊՆ ռազմական վերահոսկողական ծառայության պետ Ջալալ Հարությունյանի թեկնածությունը:
Հավելենք, որ ըստ օրենքի, եթե նախագահը եռօրյա ժամկետում չի ներկայացնում վարչապետի առաջարկի շուրջ իր առարկությունները, ապա Գասպարյանի աշխատանքից ազատումն ուժի մեջ է մտնում:
Եթե նախագահն առարկություններ ներկայացնի, վարչապետը հնգօրյա ժամկետում պետք է ներկայացնի իր հիմնավորումները:
Հ. Գ. Նյութի հրապարակումից հետո տեղեկացանք, որ ՀՀ նախագահը, իր սահմանադրական լիազորությունների շրջանակում, առարկություններով վերադարձրել է Օնիկ Գասպարյանին ԶՈւ ԳՇ պետի պաշտոնից ազատելու վերաբերյալ հրամանագրի նախագիծը:
Լիլիթ Շաբոյան
