19.04.2024 | 23:26
Գցել են գետնին, ոտքը դրել գլխին և ձեռքերը ոլորելով՝ փորձել հանել հագուստը․ խոշտանգման մասին նոր ահազանգ․ ՏԵՍԱՆՅՈՒԹ
Վաշինգտոնը ցնցված է վրաց իշխանությունների հռետորաբանությունից․ ԱՄՆ դեսպանատունը հայտարարություն է տարածել
Քաղաքականություն
23.02.2021 | 16:07
Վրաստանում ԱՄՆ դեսպանատունն իր մտահոգությունն է հայտնել «Միասնական ազգային շարժում» կուսակցության առաջնորդ Նիկա Մելիայի ձերբակալության կապակցությամբ: Դիվանագիտական առաքելությունը հայտարարություն է տարածել, որում ընդգծվել է՝ Վաշինգտոնը ցնցված է վրաց իշխանությունների հռետորաբանությունից, գրում է Грузия online-ը։
«ԱՄՆ դեսպանատունը խորապես մտահոգված է երկրի հիմնական ընդդիմադիր քաղաքական կուսակցության ղեկավարին առավոտյան կուսակցության գրասենյակում կալանավորելու որոշման կապակցությամբ: Մենք ցավում ենք, որ ԱՄՆ-ի և այլ միջազգային գործընկերների կողմից զսպվածության և երկխոսության կոչերն անտեսվել են: Մեզ անհանգստացնում է ճգնաժամի պայմաններում Վրաստանի ղեկավարության ագրեսիվ հռետորաբանությունը: Ուժն ու ագրեսիան Վրաստանի քաղաքական տարաձայնությունների լուծումը չեն: Այսօր Վրաստանը նահանջեց եվրոատլանտյան ինտեգրման և ժողովրդավարության ամրապնդման իր ճանապարհից », – ասված է հայտարարության մեջ:
Հիշեցնենք՝ այսօր Վրաստանի խոշոր ընդդիմադիր «Միասնական ազգային շարժում» կուսակցության ղեկավար Նիկա Մելիան ձերբակալվել է իրականացված հատուկ օպերացիայի արդյունքում։
Տաթև Ֆռանգյան
