27.08.2026 | 10:38
Արտարժույթների փոխարժեքները՝ օգոստոսի 27-ի դրությամբ
Լեռնային Ղարաբաղում ավարտվել է Sputnik-V պատվաստանյութով ռուսական խաղաղապահ զորախմբի պատվաստումը․ ՌԴ ՊՆ
21.02.2021 | 13:30
Ռուսաստանի խաղաղապահ զորամիավորման ռազմական բուժաշխատողներն ավարտել են Լեռնային Ղարաբաղում ռուսական խաղաղապահ անձնակազմի՝ Sputnik-V պատվաստանյութի երկրորդ չափաբաժնով պատվաստուման գործընթացը:
Այս մասին հայտնում է Ռուսաստանի Դաշնության պաշտպանության նախարարությունը։
Ըստ ժամանակացույցի պատվաստվել է ավելի քան 1900 ռուս զինծառայող: Կորոնավիրուսային նոր COVID-19 վարակի դեմ առաջինը պատվաստվել են Ռուսաստանի խաղաղապահ զորախմբի հրամանատարության ներկայացուցիչները, ինչպես նաև բժշկական հատուկ նշանակության ջոկատների զինծառայողները:
Պատվաստումն իրականացվել է կամավոր կերպով ինչպես տեղակայված շարժական դաշտային հիվանդանոցում, այնպես էլ շարժական բժշկական խմբերի կողմից բոլոր դիտակետերում, որտեղ պատվաստանյութը հասցվել է հատուկ ջերմային տարաների մեջ, ինչը երաշխավորում է դրա անվտանգությունը փոխադրման ընթացքում:
