27.08.2026 | 10:38
Արտարժույթների փոխարժեքները՝ օգոստոսի 27-ի դրությամբ
Եթե Սերժ Սարգսյանը Կարեն Կարապետյանին էր հանձնել իշխանությունը, ՀՀԿ-ն ինչո՞ւ խելոք կատարեց Փաշինյանի պահանջները. Թագուհի Թովմասյան. ՏԵՍԱՆՅՈՒԹ
Քաղաքականություն
16.02.2021 | 17:17
«Ինձ համար շատ զարմանալի էր այդ արձանագրումը»,- ԱԺ-ում լրագրողների հետ զրույցում ասաց ԱԺ պատգամավոր Թագուհի Թովմասյանը՝ անդրադառնալով Սերժ Սարգսյանի հայտարարությանը, թե ինքը իշխանությունը փոխանցել է Կարեն Կարապետյանին, ոչ թե այս իշխանությանը:
«Այդ դեպքում ինչպե՞ս ստացվեց, որ ՀՀԿ պատգամավորները խելոք կատարեցին այն պահանջները, որ ներկայացնում էր Նիկոլ Փաշինյանը, և այդ պահանջները կատարեցին դեռևս, այսպես ասած, Կարեն Կարապետյանի իշխանության օրոք: Մենք հիշում ենք, որ Վլադիմիր Պուտինը այդ ընթացքում զանգահարեց Կարեն Կարապետյանին, փորձ արվեց, որ միջազգային ճանաչում ստանա նոր վարչապետի ընտրությունը: Բայց ամեն դեպքում կարծում եմ, որ այստեղ ներքին ինտրիգներ սարքելու ակնհայտ միտում կար, և այդ ինտրիգների նպատակը ամբողջ նեգատիվը բարդելն էր Կարեն Կարապետյանի վրա, որովհետև նախկին իշխանությունից Կարեն Կարապետյանն այն եզակի մարդկանցից է, որն ունի վարկանիշ: Եվ այսօր էլ նրա նկատմամբ կա վստահություն»:
Թովմասյանը նաև հավելեց, որ, իր կարծիքով, հիմա ևս փորձ է արվում Կարեն Կարապետյանի վարկանիշն իջեցնել. «Ուրիշ ոչ մի պատճառ չեմ տեսնում, թե ինչն էր պատճառը, որ նույն իշխանության մեջ եղած մարդիկ փորձում են մեկը մյուսի վրա մեղքը բարդել: Ես սպասում եմ, որ Կարեն Կարապետյանը նույնպես հարցազրույց կտա և չգիտեմ, թե նա ում վրա կբարդի մեղքը, թե ինչպես ստացվեց, որ ինքը հրաժարական տվեց»:
Մանրամասները՝ տեսանյութում:
