18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Պետք է խոսել Վրաստանի հետ. Շամբան` Աբխազիայի տարածքով ՌԴ-ՀՀ երկաթուղի բացելու մասին
14.02.2021 | 16:23
Աբխազիայի տարածքով Ռուսաստանի Դաշնության և Հայաստանի Հանրապետության միջև երկաթուղի բացելու թեման քննարկվել է 10 տարի առաջ, բայց վրացական կողմի դիրքորոշման պատճառով հնարավոր չի եղել համաձայնության գալ ։ Sputnik-ի եթերում այս մասին ասել է Աբխազիայի Անվտանգության խորհրդի քարտուղար Սերգեյ Շամբան, գրում է aliq.ge-ն:
Ըստ նրա` «լուրջ քննարկումներ են» եղել, բայց արդյունքում համաձայնության հասնել չի հաջողվել, քանի որ վրացական կողմը պնդել է, որ Աբխազական երկաթուղու հատվածը, ինչպես ԽՍՀՄ տարիներին էր, պետք է կոչվեր վրացական երկաթուղու աբխազական հատված, իսկ աբխազական կողմը համաձայն չէր դրան:
«Եթե խոսում ենք Կովկասում խաղաղարար նախաձեռնություններ զարգացնելու մտադրության մասին, ապա, իհարկե, պետք է բացենք բոլոր հաղորդակցությունները, պետք է հաղորդակցվել և առևտուր անել: Կարծում եմ, որ ժամանակն է սկսել խաղաղ գոյակցություն` մեր տարածաշրջանում, և տնտեսական գործընթացներ, որոնցում կարող են և պետք է լինեն բոլոր շահագրգիռ կողմերը », — նշել է Շամբան: Ըստ նրա`այս առումով «Վրաստանի մասին պետք է խոսվի, քանի որ հենց Վրաստանը պետք է շահագրգռված լինի երկաթուղային կապի բացմամբ»:
Հիշեցնենք` Աբխազիայի խորհրդարանը դիմել է Ռուսաստանի պետդումային՝ հայտարարելով, որ հանրապետությունը պատրաստ մասնակցել Աբխազիայի տարածքով ՌԴ-ՀՀ երկաթուղային հաղորդակցության բացման նախագծին:
