14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Այս ամենի պատասխանատուն նաև երկրի նախագահն է. Հրանտ Բագրատյան. ՏԵՍԱՆՅՈՒԹ
Քաղաքականություն
12.02.2021 | 15:35
Սյունիքում Հայաստանի Հանրապետությունից տարածքներ են խլում։ Այսօր Ազատության հրապարակում ընդդիմության հրավիրած հանրահավաքի ժամանակ լրագրողների հետ ճեպազրույցում ասաց ՀՀ նախկին վարչապետ Հրանտ Բագրատյանը՝ մեկնաբանելով օրերս համացանցում հրապարակած փաստաթղթի նշանակությունը Սյունիքի համար։
«Ես կասկած ունեմ, որ իրականում Ղարաբաղից մնացել է 2․5 հազար քառ․կմ տարածք։ Սյունիքից մինչև Տավուշ, ինչպես նաև Նախիջևան, «տալաշ-տալաշ» այդ 2․5 հազարը Ալիևը վերցնելու է, որ հետո որոշի՝ Ղարաբաղին ինչ կարգավիճակ տա։ Ես կարծում եմ, որ գոյություն ունի այսպիսի հանցավոր գործարք»,- ասաց Բագրատյանը՝ հավելելով, որ Դավիթ-Բեկ-Գորիս, Կապան-Ճակատեն ճանապարհը հայկական է, բայց ճանապարհից տեղ-տեղ խորացել են և վերցրել հայկական տարածքները:
«Ճանապարհը կառուցվել է ԽՍՀՄ օրոք՝ Հայկական ԽՍՀ Մինիստրների խորհրդի որոշմամբ։ Ադրբեջանական ԽՍՀ Մինիստրների խորհուրդը չի ընդդիմացել։ Խորհրդային Միության ռազմական քարտեզները նայեք։ Google-ը կաշառքը վերցրել է, գիծը տարել է, վաղը կարող է այդ գիծը էլի գնա դեպի արևմուտք»,- ասաց Բագրատյանը։
Նա ընդգծեց, որ այս ամենի համար պատասխանատու է նաև ՀՀ նախագահը:
«123-րդ հոդվածի համաձայն՝ Հայաստանի Հանրապետության տարածքային ամբողջականության երաշխավորը ՀՀ նախագահն է, Նիկոլը չէ»,- ընդգծեց Բագրատյանը:
Մանրամասները՝ տեսանյութում:
