30.06.2026 | 22:20
Էրդողանն արձագանքել է Իսրայելի կառավարության՝ Հայոց ցեղասպանության ճանաչման որոշմանը
Սահմանամերձ համայնքների ցանկը կլրացվի. ինչ արտոնություններ են սպասվում. ՏԵՍԱՆՅՈՒԹ
Հասարակություն
11.02.2021 | 12:17
Կառավարությունը գրավոր ընթացակարգով պատրաստվում է սահմանամերձ համայնքների վերաբերյալ որոշում ընդունել, այն վերաբերում է սոցիալական աջակցություն ստացող սահմանամերձ բնակավայրերի ցանկում լրացումներին:
«Նախագծի ընդունման դեպքում ցանկը կլրացվի Գեղարքունիքի և Սյունիքի մարզերի ևս 39 համայնքով, ընդհանուր առմամբ, այդ համայնքների թիվը կկազմի 77»,- Կառավարության նիստում նշեց ՀՀ աշխատանքի և սոցիալական հարցերի նախարար Մեսրոպ Առաքելյանը:
Նախարարի խոսքով՝ տվյալ համայնքերի համար սահմանված են հետևյալ աջակցությունները՝ անշարժ գույքի հարկի ամբողջական, կոմունալ վճարների 50 տոկոս փոխհատուցում և դպրոցական դասագրքերի անվճար տրամադրում:
«Մեր ընդհանուր ռազմավարությունը պետք է լինի այնպիսին, որ անվտանգային այնպիսի միջավայր ձևավորվի ՀՀ-ի շուրջ, որպեսզի սահմանամերձ համայնք լինելը զարգացման խոչընդոտ չնշանակի»,- նշեց վարչապետ Նիկոլ Փաշինյանը:
Մանրամասները՝ տեսանյութում:
