27.06.2026 | 15:22
Ռաիսա Մկրտչյանի մահվան կապակցությամբ ստեղծվել է թաղման հանձնաժողով
2020թ.-ին երկու ոլորտ ունենք, որ աճ է գրանցել, մեկը գյուղատնտեսությունն է. Փաշինյան. ՏԵՍԱՆՅՈՒԹ
Տնտեսություն
11.02.2021 | 11:29
Կառավարությունն ի սկզբանե խնդիր էր դրել, որ գյուղատնտեսության աջակցման ու զարգացման ծրագրերը պետք է դարձնել ավելի ու ավելի արդյունավետ։ Այս մասին Կառավարության այսօրվա նիստում ասաց վարչապետ Նիկոլ Փաշինյանը ագրոպարենային ոլորտի սարքավորումների ֆինանսական վարձակալության, լիզինգի պետական աջակցության ծրագրի պայմանները բարելավելու և լիզինգով տրամադրվող սարքավորումների շրջանակն ընդլայնելու նախագծի քննարկման ժամանակ:
«Եվ հայտնի է, որ մենք բովանդակային էական փոփոխություններ ենք կատարել գյուղատնտեսության աջակցման գործիքներում։ 2020 թվականին մենք ընդամենը երկու ոլորտ ունենք, որտեղ աճ է գրանցվել։ Եվ այդ երկու ոլորտներից մեկը գյուղատնտեսությունն է։ Եվ այս գործում, կարծում եմ, որոշակի դերակատարում ունի նաև այս ծրագիրը»,- ասաց Փաշինյանը:
Նա տեղեկացրեց, որ 2020 թվականի ընթացքում լիզինգի ծրագրով ծախսվել է շուրջ 9 մլրդ դրամ, 576 շահառուի կողմից ձեռք է բերվել 950 միավոր տեխնիկա։
Մանրամասները՝ տեսանյութում:
