19.12.2025 | 17:34
Արման Ծառուկյան․ Գեյջին ու Փիմբլեթն իմ մակարդակի մարտիկներ չեն
Շիրակցի գերիների հարազատները ճանապարհներ են փակել․ ՏԵՍԱՆՅՈՒԹ
10.02.2021 | 19:09
Շիրակի մարզից գերիների հարազատներն այսօր տարբեր ճանապարհներ են փակել։ Խոսքը, մասնավորապես, Գյումրի-Երևան, Արմավիր-Գյումրի, Գյումրի-Վանաձոր ճանապարհների մասին է, որոնք օրվա ընթացքում փակ են եղել։
Հարազատներն այդ կերպ իրենց բողոքն են արտահայտել՝ նշելով, որ երեկ տեղեկացվել էր, որ 20 գերի է Հայաստան վերադառնալու, սակայն միայն 5-ին է եկել։
Նախօրեին Հայաստան վերադարձած 5 գերիներից 3-ը Գյումրիից են։ Շիրակցի ևս 5 գերի վերադարձել էր հունվարի 28-ին։
Հիշեցնենք, որ Հադրութի Հին Թաղեր և Խծաբերդ բնակավայրերում Ադրբեջանը գերեվարել է Շիրակի մարզից 62 զինվորականի։ Նրանց նկատմամբ Բաքվում քրեական գործեր են հարուցվել։
Էմմա Չոբանյան
