18.07.2026 | 22:57
Երևանի Մուրացանի փողոցում տեղի ունեցած միջադեպի վայրում դի է հայտնաբերվել
Չենք կարող լինել օկուպացված, գաղութացված և երազել գիտական նվաճումների մասին․ Արման Բաբաջանյան. ՏԵՍԱՆՅՈՒԹ
Քաղաքականություն
10.02.2021 | 14:11
Մենք հայտնվել ենք մի իրականության մեջ, որտեղ տգիտությունն ու գիտությունը իրար դեմ են դուրս եկել, հակամարտում են միմյանց դեմ: Հույս ունեմ, որ գիտությունը կհաղթի, և այդ հաղթանակը կլինի ոչ թե բարոյական, այլ իրական։ Այս մասին ԱԺ-ում «Բարձրագույն կրթության և գիտության մասին» օրինագծի քննարկման ժամանակ հայտարարեց անկախ պատգամավոր Արման Բաբաջանյանը:
Անդրադառնալով գիտության ֆինանսավորմանը՝ պատգամավորը նշեց. «Ես հեռու եմ այն մտքից, որ Հայաստանը նույնիսկ իր բյուջեի 4 տոկոսը հատկացնելով գիտությանը՝ կկարողանա փոփոխություններ բերել այս ասպարեզում: Կարծում եմ՝ գիտության ֆինանսավորմանը պիտի գնանք ասիմետրիկ, ոչ ստանդարտ ճանապարհով»:
Պատգամավորն ընդգծեց, որ հեղափոխությունից հետո բազմիցս խոսել է այն մասին, որ օլիգարխների ունեցվածքը պետք է ուղղել դեպի գիտություն, և այդ մարդկանց պետք է խրախոսել՝ ներդրումներ անել գիտության մեջ:
«Մենք գիտության զարգացումը պետք է դիտարկենք արտաքին քաղաքականության մեջ մեր երկրի դիվերսիֆիկացման տեսանկյունից: Առանց արտաքին աշխարհի հետ ազատորեն հարաբերվելու, մեր գիտական ներուժն առնչելու մենք չենք կարող գիտության զարգացման մասին խոսել: Չենք կարող լինել օկուպացված, գաղութացված և երազել գիտության նվաճումների մասին։ Այն վախերը, որ ունենք հյուսիսներից և այլ ուղղություններից, մեզ չեն կարող զարգացում ապահովել, եթե չունենանք ազատություն և մեր երկրի անկախությունը չդարձնենք անկյունաքար»,- ընդգծեց պատգամավորը:
Մանրամասները՝ տեսանյութում:
