18.07.2026 | 22:57
Երևանի Մուրացանի փողոցում տեղի ունեցած միջադեպի վայրում դի է հայտնաբերվել
Վտանգվում է բուհի ինքնավարության իրավունքը․ Անի Սամսոնյանը՝ «Բարձրագույն կրթության» օրենքի մասին. ՏԵՍԱՆՅՈՒԹ
Հասարակություն
10.02.2021 | 11:22
ԱԺ-ում քննարկվում է «Բարձրագույն կրթության և գիտության մասին» օրինագիծը:
«Ինչո՞ւ են բուհերի կառավարման խորհուրդները 9 հոգանոց կազմով, որտեղ գերակշռելու են լիազոր մարմնի և կառավարության ներկայացուցիչները. նրանք կարո՞ղ են ապահովել բուհի ինքնավար, անկաշկանդ կառավարումը: Իսկ այն 4-ը, որ պետք է ընտրվեն բուհից, քանի՞ ուսանող և դասախոս է նախատեսվում, որ կլինեն խորհրդում»,- նման հարցադրում արեց «Լուսավոր Հայաստան» խմբակցության պատգամավոր Անի Սամսոնյանը։
Ի պատասխան՝ ԿԳՄՍ նախարար Վահրամ Դումանյանը նշեց, որ բուհը կորոշի, թե 4-ից քանիսը կլինեն դասախոս, քանիսը՝ ուսանող:
«Շատ բարդ է հիմնավորել, թե ինչու կառավարման խորհրդի անդամները պետք է լինեն 9-ը, այնպես, ինչպես բարդ է հիմնավորել, թե ինչու մեր պատգամավորների թիվը պետք է լինի այսքան: Իսկ թե ինչու 5-4 համամասնությամբ, իմ կարծիքով` պետք է լիներ 9-0: Եթե բուհի հիմնադիրը պետությունն է, այն պետք է կրի 100 տոկոսանոց պատասխանատվություն բուհի գործունեության համար: Իսկ պատասխանատվության համար պետք է ունենա համապատասխան իրավունքներ»,- ասաց Դումանյանը:
Անի Սամսոնյանն արձագանքեց՝ ընդգծելով, որ 9 հոգանոց կառավարման խորհրդով, որտեղ ակադեմիական շրջանակին տրված է սահմանափակ տեղ, ոտնահարվում է բուհերի ինքնավարության իրավունքը:
Մանրամասները՝ տեսանյութում։
