31.03.2025 | 03:50
ԿԸՀ-ն ամփոփել է Գյումրիի 82 ընտրատեղամասերից 43-ի նախնական տվյալները
12000 երեխա հերթագրված սպասում է, բայց մանկապարտեզներում ընդունելությունը չի սկսվում. ՏԵՍԱՆՅՈՒԹ
Հասարակություն
08.02.2021 | 12:26
Երևանի քաղաքապետարանի շենքի դիմաց մի խումբ ծնողներ այսօր՝ փետրվարի 8-ին բողոքի ակցիա են իրականացրել` պահանջելով հստակություն, թե երբ են մանկապարտեզներում վերսկսվելու ընդունելությունները: Բողոքող ծնողներից մեկը նշեց, որ մեկ տարի կարանտինային ռեժիմում սպասելով՝ ծնողները համբերել են, սակայն քաղաքապետարանը հստակ բան չի ասում:
«Մի խումբ մայրիկներով այստեղ հավաքվել ենք, քանի որ մանկապարտեզներում ընդունելության հարցը դեռ կազմակերպված չէ ու հստակ ոչ մի բան ասված չէ, թե երբ է լինելու ընդունելություն: Հիմա կարանտինն էլի երկարացվել է, մանկապարտեզների ընդունելության հարցով որևէ բան չի ասվել: Իմ երեխային հարթագրել եմ 2019 թվականի սեպտեմբերից, մսուր խումբ ունեցող մանկապարտեզում, սակայն համաճարակի պատճառով մեկ տարի է՝ ընդունելություն չի եղել: Մեղմացվել են բոլոր կանոնները, դպրոցների համար նոր կանոններ են մտցվել՝ նորմալ հաճախելիություն կազմակերպելու համար, բայց պետական մանկապարտեզների համար որևէ բան չեն ասում: 12000 երեխա հերթագրվել է և սպասում է ընդունելության, սակայն դեռ օդի մեջ են, չեն հաճախում մանկապարտեզ: Ծնողները դիմել են քաղաքապետարան, համայնքապետարան, մանկապարտեզների տնօրեններին, և ամեն տեղից տարբեր պատասխաններ են ստանում՝ անհասկանալի ժամկետով հետաձգված է ընդունելությունը․ մեկն ասում է՝ գարնանը, նույնիսկ ասել էին՝ փետրվարից 1-ից: Ստացել ենք տարբեր պատասխաններ: Ծնողներն ուզում են աշխատանքի դուրս գալ, բացի այդ՝ երեխաներին շփում է պետք, զարգացումով չպետք է հետ ընկնեն իրենց հասակակիցներից»,- նշեց ակցիայի մասնակից ծնողներից մեկը:
Մանրամասները՝ տեսանյութում։
