27.06.2026 | 21:49
Վուչիչը հայտարարել է նախագահի պաշտոնում իր «վերջին օրերի» մասին
Գիտնական-գործարարները պահանջում են հենց այս տարի գիտության ֆինանսավորումը մեծացնել 50 տոկոսով. ՏԵՍԱՆՅՈՒԹ
Հասարակություն
08.02.2021 | 11:45
Պահանջում ենք, որ այս տարի գիտության ֆինանսավորումն առնվազն 50 տոկոսով ավելացվի։ Այս մասին այսօր հրավիրված ասուլիսում ասաց «EarlyOne» և «Limetech» ընկերությունների հիմնադիր Գևորգ Սաֆարյանը:
«Բարձրագույն կրթության և գիտության մասին» օրենքի նախագծում, որը հիմա քննարկվում է ԱԺ-ում, ֆիքսվի, որ գիտությանը հատկացվող միջոցները, 2024 թվականից սկսած, կլինեն պետբյուջեի 4 տոկոսին համարժեք։ Դա պետք է աստիճանաբար ավելացվի, այսինքն՝ 2022 թվականին պետք է դառնա 2 տոկոս, 2023-ին՝ 3 տոկոս։ Իսկ այս քայլն անելուց առաջ, երբ պետությունը հանձնառություն կվերցնի ու գիտությանը հատկացվող միջոցները կդարձնի բավարար, անհրաժեշտ է հստակեցնել ու քարտեզագրել եղած ռեսուրսներն ու այդ ամենը համադրել մեր երկրի, պետության ռազմավարության հետ։ Այսինքն՝ պետք է հասկանանք, թե ինչի համար է այս ամենն արվում, ինչ հնարավորություններ կան։ Պետք է կառուցվի համակարգ և ձևավորվի հստակ զարգացման մեթոդոլոգիա, որը թույլ կտա այդ ամեն ինչի արդյունավետությունը բարձրացնել։ Եվ վերջնական ծրագիր ստանալուց հետո արդեն պետք է սկսենք իրականացնել այն»,- նշեց Գևորգ Սաֆարյանը։
Մանրամասները՝ տեսանյութում:
