09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Կոմիտասի թանգարան-ինստիտուտը ճապոնական մշակույթով հետաքրքրվողներին հրավիրում է զրույց-հանդիպման
Մշակույթ
25.01.2018 | 17:33
Կոմիտասի թանգարան-ինստիտուտը թանգարանային ոլորտի աշխատակիցներին և ճապոնական մշակույթով հետաքրքրվողներին՝ ս. թ. հունվարի 27-ին, ժամը 17:00-ին հրավիրում է մասնակցելու «Ճապոնիայի թանգարանների փորձը. թանգարանները և հասարակության զարգացումը» խորագրով ծրագրի զրույց-հանդիպմանը:
Մուտքն ազատ է:
ՀՀ մշակույթի նախարարության աջակցությամբ Կոմիտասի թանգարան-ինստիտուտի գիտացուցադրական բաժնի և կրթական ծրագրերի աշխատակից Ալետա Հակոբյանը 2017 թվականի սեպտեմբերի 25-ից դեկտեմբերի 16-ը Ճապոնիայում մասնակցել է «Թանգարանները և հասարակության զարգացումը 2017» միջազգային ծրագրին: Այնտեղ ձեռք բերած փորձն ու գիտելիքները ծրագրի միակ հայ մասնակիցը կներկայացնի զրույց-հանդիպման ընթացքում:
«Թանգարանները և հասարակության զարգացումը 2017» միջազգային ծրագիրն անցկացվել է Ճապոնիայի Ազգային ազգագրության թանգարանի և Բիվա լճի թանգարանի ջանքերով ու Ճապոնիայի միջազգային համագործակցության գործակալության (JICA) ֆինանսավորմամբ:
