17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Արարատի ոստիկանները բացահայտել են Լուսառատ գյուղի բուժամբուլատորիայում կատարված գողությունը
Հասարակություն
04.02.2021 | 23:01
ՀՀ ոստիկանությունից տեղեկացնում են, որ հունվարի 10-ին, ժամը 18.30-ի սահմաններում, ոստիկանության Արարատի բաժնում հաղորդում էր ստացվել, որ Լուսառատ գյուղի բուժամբուլատորիայից գողություն է կատարվել։
«Դեպքի վայր մեկնած օպերատիվ խումբը պարզեց, որ դեկտեմբերի 28-ից հունվարի 10-ն ընկած ժամանակահատվածում տեխնիկական միջոցների գործադրմամբ բացել էին բուժամբուլատորիայի աշխատասենյակներից մեկի պատուհանը և գողացել համակարգչային սարքավորումներ՝ ստեղնաշար, բարձրախոսներ, տեսախցիկ և այլ աքսեսուարներ:
Գողությունը կատարած անձին և գողոնը հայտնաբերելու ուղղությամբ տարաբնույթ միջոցառումներ ձեռնարկվեցին։ Հաղորդումից օրեր անց գաղտնի հափշտակությունը բացահայտվեց համայնքային ոստիկանության բաժանմունքում ստացված տվյալներն իրացնելու արդյունքում։ Պարզվեց, որ գողությունը հնարավոր է կատարած լինի նույն գյուղի մի անչափահաս բնակիչ: Փետրվարի 1-ին նա ներկայացվեց ոստիկանության Արարատի բաժին:
Հարուցվել է քրեական գործ։
Գողոնը հայտնաբերվել է։
Կատարվում է նախաքննություն»,- ասված է հաղորդագրությունում:
