08.10.2026 | 15:55
Եթե միտում լիներ դահլիճ մտնելու, կմտնեին. Տիգրան Աբրահամյանը` օգնականների գործողությունների մասին․ ՏԵՍԱՆՅՈՒԹ
Փակված համարներով մեքենաների տարհանումից մինչև ավտոմատացված նկարահանում. «Կարմիր գծերի» նոր օրենքը. ՏԵՍԱՆՅՈՒԹ
Հասարակություն
04.02.2021 | 15:32
Երևանի 12 վարչական շրջաններից 10-ում այլևս չեն լինի «կարմիր գծերը»: Օրինագիծը երկրորդ ընթերցմամբ արդեն ընդունվել է Ազգային ժողովի կողմից։ Ավելին՝ քաղաքապետարանն այլևս չի կարողանա տուգանել քաղաքացիներին՝ երկու լուսանկարի միջոցով: Նախագծի հեղինակներից Սիսակ Գաբրիելյանը Factor TV-ի հետ զրույցում նշեց՝ վարորդների բողոքների մեծ մասը հենց դրա հետ էր կապված։ Բացի Արաբկիր և Կենտրոն վարչական շրջաններից՝ մյուս շրջաններում կայանումն անվճար է։
«Փարքինգ սիթի սերվիս» ընկերության տնօրեն Վազգեն Հարությունյանը ճշտում է՝ այդ 2 վարչական շրջանում էլ ոչ բոլոր փողոցներն են կահավորված տեսախցիկներով․ եթե ներդրումները թույլ տան կահավորել, փողոցների ցանկը կավելանա։
Ի դեպ՝ տեսախցիկների մասին։ Քաղաքապետարանը նոր մեխանիզմ է մշակում, որ չվճարած մեքենայի ձայնագրությունը կատարվի ավտոմատ եղանակով։
Առանց համարանիշի կամ փակված համարանիշով «կարմիր գծերին» կանգնել այլևս հնարավոր չի լինի․ նոր օրենքով այդ մեքենաները կտարհանվեն։
Ի դեպ՝ տեսանյութերն այսուհետ քաղաքապետարանը պարտավորվում է տրամադրել ճանապարհային ոստիկանությանը կամ վարորդներին, եթե կայանման ընթացքում գրանցվեն ճանապարհային պատահարներ։
Մանրամասները՝ տեսանյութում։
Իրինա Մկրտչյան
