Հասարակություն
04.02.2021 | 12:07Օրենսդիրը չպետք է մտածի լրատվամիջոցների համբավի մասին. դա նրանց խնդիրն է. «Խնդրահարույց փոփոխություններ ԶԼՄ օրենքում. ինչպես է կարգավորվելու ԶԼՄ-ների աղբյուրների անանունության իրավունքը» թեմայով քննարկման ժամանակ այս մասին ասաց Երևանի մամուլի ակումբի նախագահ Բորիս Նավասարդյանը:
«Եթե ԶԼՄ-ներին ձեռնտու չէ, որ գովազդեն այդ աղբյուրներին, ապա իրենք պետք է ձևը գտնեն նրանց հետ մրցակցությունից պաշտպանվելու և իրենց համբավը լսարանի առջև պահպանելու համար: Դրա համար կան բազմաթիվ միջոցներ:
Եթե խոսենք սպառողի շահերից, ապա ես կգերադասեի, որ սպառողը տեսներ այդ տարբեր չնույնականացվող աղբյուրների տեղեկությունների տարածումը՝ պրոֆեսիոնալ լրատվամիջոցների շնորհիվ ֆիլտրված:
Մարդիկ խնդիր չունեն՝ գրանցվելու և տեղեկություններ ստանալու համար: Այսինքն՝ տեղեկությունների բովանդակության առումով մենք որևէ հարց չենք լուծում, գովազդման առումով նույնպես հարց չենք լուծում, որովհետև սոցիալական ցանցերն ու տելեգրամյան ալիքներն արդեն այնքան շատ են տարածված, որ որևէ ավանդական լրատվամիջոցի կողմից նրանց մասին հիշատակելը գովազդման վրա ազդեցություն չի թողնում»,- նշեց Նավասարդյանը:
Նա նաև ընդգծեց, որ ակնհայտորեն այս նախագծով իրավական խնդիրներ են առաջանում:
Մանրամասները՝ տեսանյութում:
