15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Մարդը, որի օրոք երկիրը վերածվեց վասալապետության, սպառնում է մասնակցել ընտրությանը և «կռել». Արման Բաբաջանյան. ՏԵՍԱՆՅՈՒԹ
Քաղաքականություն
03.02.2021 | 13:14
ԱԺ արտահերթում Դատական օրենսգրում և Արդարադատության ակադեմիայի մասին օրենքում փոփոխություններ կատարելու մասին օրինագծերի քննարկման ժամանակ անկախ պատգամավոր Արման Բաբաջանյանը խիստ կարևորեց դատաիրավական բարեփոխումները պետականության, պետության ինքնիշխանության, ժողովրդավարության համար:
«Բայց ԲԴԽ-ին վերապահել այս դատավորների ընտրությունը խնդրահարույց է հայտնի պատճառներով: Այդ խորհուրդը ծպտուն չի հանել Ռուբեն Վարդազարյանի նոյեմբերի 15-ի մարտակոչի վերաբերյալ: Ուստի կարելի է ենթադրել, թե ինչ է լինելու այս նախագծի ճակատագիրը»:
«Ձեր իշխանության ապաշնորհության պատճառով մարդը, ում իշխանավարման օրոք Հայաստանը ինքնիշխան պետությունից դարձել է վասալություն, այսօր ձեր թեթև ձեռքով պատերազմ է հայտարարել ՀՀ քաղաքացուն, ՀՀ իշխանությանը և սպառնում է մասնակցել ընտրություններին և «կռել» այդ ընտրությունները,- հայտարարեց Արման Բաբաջանյանը:- Այդ մարդը 2008-ին երկրի բանակը բերել է Երևանի կենտրոն, խաղաղ ցուցարարներին սպանել: Դրանից հետո կրկին ձեր թեթև ձեռքով թույլ տալ, որ մարդը հոխորտա և խոսի բանակի նկատմամբ հանցագործությունների մասին, մարդ, ում օրոք ամենաշատ քաղաքական սպանություններն ու բանտարկություններն են տեղի ունեցել, էսօր ժողովրդավարության մասին տրակտատներ է ձոնում»:
Բաբաջանյանի կարծիքով՝ դատական համակարգը հիմնարար փոփոխությունների կարիք ունի. «Մաքուր ջուրը խառնելով ցեխաջրի հետ հնարավոր չէ վերջում մաքուր ջուր ստանալ: Հետևաբար այս հատվածական փոփոխությունները ոչ մի արդյունք չեն տալու»:
Մանրամասները՝ տեսանյութում:
