09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
«2018-ին ժողովուրդը բերել է մի խումբ, որի համար կարևոր չէ՝ Արցախն ում հողն է». Գեղամ Մանուկյան. ՏԵՍԱՆՅՈՒԹ
Քաղաքականություն
03.02.2021 | 10:44
Հերթական անգամ իշխանությունը փորձ է անում շատ հապշտապ սահմանդրական օրենքների փոփոխություններ իրականացնել։ Այս մասին այսօր՝ փետրվարի 3-ին, ԱԺ-ի դիմաց բողոքի ակցիա իրականացնելիս ասաց ՀՅԴ անդամ Գեղամ Մանուկյանը։
«Հիմա էլի ձևախեղում են դատական համակարգը, նոր մի հատուկ կարգեր են մտցնում դատավորների նշանակման հարցում, որովհետև վերջին շրջանում մենք ականատես եղանք, որ իրավապահ համակարգի ուղղակի անթույլատրելի ցանկացած կարծիք արտահայտողին մեկուսացնելու, բանտարկելու այս իշխանության կույր տենչանքին շատ դատավորներ դեմ էին արտահայտվում։ Մարդիկ հասկանում են, որ մի օրով ապրել չի լինի Հայաստանում, ի վերջո օրենքի խախտումը պատասխանատվություն է ենթադրում։ Հիմա իշխանությունը որոշեց՝ լավ, չեք կալանավորում, ես ուրիշ ձև կանեմ, կփոխեմ օրենքը։ Այս Ազգային ժողովն իր ամբողջ գործունեության ընթացքում գործել է մի տրամաբանությամբ՝ որ օրենքը խանգարում է իրենց անօրինականությունները գործի դնել, իրենք օրենք են փոխում։
Հիշեք, որ մեկ տարի առաջ այս օրերին՝ ինչ փոփոխություններով էր զբաղված իշխանությունը. երկրի բոլոր կարևոր հիմնախնդիրները թողած իրենց քիմքին հաճո Սահմանադրական դատարան էին ուզում ձևավորել»,- նշեց Մանուկյանը։
Գեղամ Մանուկյանի խոսքով՝ օր չկա, որ «Իմ քայլի» որևէ պատգամավոր հիմարություն դուրս չտա, խայտառակ արտահայտություն չանի, որևէ պատգամավոր հերթական անգամ վտանգի տակ չդնի մեր անվտանգությունը. «Ամեն արժանապատվություն ունեցող քաղաքացի պետք է իր բողոքն արտահայտի»։
Անդրադառնալով «Իմ քայլի» պատգամավորները Անուշ Բեղլոյանի աղմկահարույց հայտարարությանը՝ Մանուկյանն ասաց. «Ես էլ եմ եղել պատգամավոր։ Պատգամավորը դա պարտականություն է, պատասխանատվություն է, ամեն պատգամավոր իր խմբակցության առաջ է պատասխանատու, իր երկրի արտաքին քաղաքականության ուղենիշների առաջ։ Պատկերացրեք, նման վիդեոկոնֆերանսների քանի-քանի հատ են եղել, որ մենք չենք նկատել։ Եթե այսօր դրա մասին բարձրաձայն ասում են, նշանակում է՝ անցնող ժամանակներում չի բացառվում, որ նման բազմաթիվ հայտարարություններ արած լինեն։ Դա իրենց մոտ ուղնուծուծով գաղափարախոսություն է:
Հայ ժողովուրդը պետք է իմանա, որ 2018 թվականի դեկտեմբեր ամսին Խորհրդարան բերել են 88 հոգանոց պատգամավորական խումբ, որը կարծում է՝ կարևոր չէ, թե Արցախն ում հողն է, որ պետք է մոռանանք պատերազմը և մտածենք՝ ինչպես անենք, որ ադրբեջանցիների հետ հաշտ-համերաշխ ապրենք Արցախի տարածքում, և գումարած Նիկոլ Փաշինյանի կարծիքը, թե Շուշին հայկական չէ, մյուս պատգամավորի այն հայտարարությունը, թե Կարսն ի՞նչ հայկական, այնտեղ քրդեր են ապրում… Ես այլևս նրանց մեղսունակության վրա կասկածում եմ»։
Մանրամասները՝ տեսանյութում:
