17.05.2026 | 16:42
Վրաստանում երկրի ղեկավարը բիզնեսմեն է, վարկերն 8% են, ՀՀ-ում երկրի ղեկավարը լրագրող է, 20% են. Նարեկ Կարապետյան․ ՏԵՍԱՆՅՈւԹ
«Չի կարող լինել դատավարություն քաղաքական պրոցեսի մասին, առանց քաղաքական կոմպոնենտի». Ռոբերտ Քոչարյան․ ՏԵՍԱՆՅՈՒԹ
Հասարակություն
02.02.2021 | 14:25
«Ընդհանրապես այս քրեական գործը՝ Մարտի 1-ի, կապված է ընտրական և հետընտրական գործընթացների հետ: Դա ամբողջությամբ, բացառապես քաղաքական պրոցես է՝ որոշակի իրավական կարգավորումներով: Եվ ակնկալել, որ այս դատավարության ժամանակ ընդհանրապես քաղաքական կոմպոնենտ չպիտի լինի, նշանակում է՝ ուղղակի ընդհանրապես դա չլսել իր բովանդակությամբ: Ես ուղղակի խնդրում եմ Ձեզ, դիմում եմ Ձեզ, հաշվի առեք այս հանգամանքը: Չի կարող լինել դատավարություն՝ քաղաքական գործընթացի մասին, առանց քաղաքական կոմպոնենտի»,- այսօր «Մարտի 1»-ի գործով դատավարության ժամանակ հանդես գալով հայտարարությամբ՝ այս մասին ասաց ամբաստանյալ, ՀՀ երկրորդ նախագահ Ռոբերտ Քոչարյանը:
Հիշեցնենք՝ Մարտի 1-ի գործով ամբաստանյալ, ՀՀ նախկին փոխվարչապետ Արմեն Գևորգյանի փաստաբանը դատավորին բացարկի միջնորդություն էր ներկայացրել, որի վերաբերյալ Արմեն Գևորգյանի հայտարարությունը դատարանն ընդհատեց՝ պատճառաբանելով, որ իր հայտարարությամբ Արմեն Գևորգյանը քննարկում է միջնորդությանը չվերաբերող հանգամանքներ: «Մի՛ վերածեք այս դատավարությունը քաղաքական հարցերի քննարկման»,- նշել էր դատավոր Աննա Դանիբեկյանը:
Մանրամասները՝ տեսանյութում:
