17.05.2026 | 14:50
«Հայաստան» դաշինքի անդամները՝ Ռոբերտ Քոչարյանի գլխավորությամբ, Չարենցավանում են․ ՈւՂԻՂ
Գյումրիում ռուսական ռազմաբազան զորքերն ու տեխնիկան դուրս է բերել տեղակայման վայրերից․ ՏԵՍԱՆՅՈՒԹ
Հասարակություն
01.02.2021 | 15:01
Գյումրիի տարբեր թաղամասերում, հատկապես վերջին շաբաթվա ընթացքում, նկատվում է ռուսական 102-րդ ռազմաբազայի զինտեխնիկայի ու զինծառայողների ակտիվ տեղաշարժ։ Համացանցում պարբերաբար սա հաստատող տեսանյութեր ու լուսանկարներ են հայտնվում։ Ըստ տեղեկությունների՝ ընդամենը մարտական պատրաստության դասեր են ընթանում, որոնք պարբերաբար տեղի են ունենում։
Քաղաքի բնակիչների շրջանում այս ամենը որոշակի անհանգստություն և հետաքրքրություն է առաջացրել այն առումով, որ այսօրվանից Գյումրիից 62 կմ հեռավորության վրա գտնվող Կարսում մեկնարկում են թուրք-ադրբեջանական զորավարժությունները, որոնք տևելու են մինչև փետրվարի 12-ը։
Զորավարժություններին մասնակցելու են տանկային ստորաբաժանումներ, թնդանոթներ, ուղղաթիռներ, հատուկ նշանակության ջոկատներ։ Փորձարկվելու են նաև թուրքական ու ադրբեջանական բանակի նոր սպառազինությունները։
Էմմա Չոբանյան
