05.05.2024 | 21:52
7 ոսկի և 2 արծաթ. Հայաստանի հավաքականը ավարտեց ելույթները ուշուի ԵԱ-ում
Շուշիի հետ կապված ինձ համար շատ բաներ անհասկանալի են, ամսի 6-ին այնտեղ էի. Արծրուն Հովհաննիսյան. ՏԵՍԱՆՅՈՒԹ
Քաղաքականություն
01.02.2021 | 11:39
Ինձ համար շատ բաներ անհասկանալի են, անկեղծ եմ ասում: Այս մասին ԱԺ-ում լրագրողների հետ զրույցում ասաց Տեղեկատվական միասնական կենտրոնի համակարգող, ՀՀ պաշտպանության նախարարության ներկայացուցիչ Արծրուն Հովհաննիսյանը։
«Նոյեմբերի 6-ին ես եղել եմ Շուշիում, դրանից հետո՝ նոյեմբերի 7-ին, 8-ին և 9-ին իրավիճակը տրամագծորեն մի քանի անգամ կտրուկ փոխվել է Շուշիում՝ ըստ Պաշտպանության նախարարության տեղեկությունների:
Ես 44 օրվա ընթացքում տեղեկությունները ստացել եմ բացառապես Պաշտպանության նախարարությունից, Գլխավոր շտաբից և Պաշտպանության բանակից»,- ասաց Հովհաննիսյանը:
Հարցին, թե հնարավո՞ր է՝ սխալ տեղեկություններ են ունեցել, Հովհաննիսյանը պատասխանեց. «Հնարավոր է, պատերազմ է, չկա պատերազմ, որտեղ չեն սխալվել, չկա պատերազմ, որտեղ տեղեկատվության խզվածք չի առաջանում, հիմա ուսումնասիրել է պետք: Բոլորս ուզում ենք գտնել ճշմարտությունը, ես՝ ինքս, չգիտեմ, պատերազմից անցել է 3-4 ամիս, ամեն օր ուսումնասիրում եմ պատերազմը՝ դրվագ առ դրվագ, բայց բաներ կան, որ իմ ուղեղում էլ չեն տեղավորվում, շատ մարտական դրվագներ կան:
Մանրամասները՝ տեսանյութում:
