23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Էժանացման դեպքում էլ են դժգոհում, երբ կարտոֆիլը էժանացել էր, գյուղացին էր փողոց դուրս եկել. Վահրամ Բաղդասարյան
Տնտեսություն
23.01.2018 | 19:36
Հանրապետական խմբակցության ղեկավար Վահրամ Բաղդասարյանի խոսքով՝ թանկացումների հետ կապված այսօր տեղի ունեցած խորհրդարանական լսումները բավական արդյունավետ էին:
«Հնչեցին նաև գործնական և կառուցողական առաջարկներ, և ինձ թվում է՝ ոչ միայն լսումների միջոցով, այլ նաև շատ հաճախակի մենք պետք է նմանատիպ շահագրգիռ մասնագետների հրավիրենք հանձնաժողովի նիստերին և օրենքների քննարկումների ժամանակ, որպեսզի լայնածավալ քննարկումներ անցկացնենք»,- ընդգծեց խմբակցության ղեկավարը:
Factor.am-ի հարցին՝ թանկացումներից դժգոհող քաղաքացիներն այս լսումներից հետո կհասկանա՞ն թանկացումների պատճառները և կդադարե՞ն դժգոհել, Բաղդասարյանն արձագանքեց. «Հանրության այն հատվածը, որը կարող է մասնագիտորեն մոտենալ խնդիրներին, նրանք կարող են տրամաբանական դատողություններ անել, բայց հասարակ գյուղացու, մշակի համար թանկացումն է էականը, կարող է 20-30 ապրանքի համար իջեցում էլ լինի, սակայն կարագն է թանկանում, միսն է թանկանում նրանց չի հետաքրքրում որևէ օրենք կամ որևէ մեկնաբանություն լսել»:
Հիշեցնենք՝ նախագահ Սերժ Սարգսյանի հորդորով Ազգային ժողովի նախագահ Արա Բաբլոյանը հրավիրել էր խորհրդարանական լսումներ՝ թանկացումների պատճառները:
Մանրամասները՝ տեսանյութում:
Շողիկ Գալստյան
