17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Պաշտպանները միջնորդեցին «Ալրաղացի Լյովիկի» խափանման միջոց կալանքը փոխարինել գրավով
Հասարակություն
26.01.2021 | 18:02
ԱԺ նախկին պատգամավոր Լևոն Սարգսյանի պաշտպաններն այսօր դատարանին միջնորդեցին փոխարինել Սարգսյանի խափանման միջոց կալանքը գրավով:
Գրավի չափ, սակայն, պաշտպան Աշոտ Սարգսյանը չնշեց՝ ասելով, որ դա թողնում են դատարանի հայեցողությանը:
Նշենք, որ դատախազն առարկել է խափանման միջոցը փոխելու միջնորդության դեմ:
Լևոն Սարգսյանը տևական ժամանակ հետախուզման մեջ գտնվելուց հետո, անցած տարի հայտաբերվեց և մինչ օրս կալանքի տակ է:
Դատարանը հեռացավ խորհրդակցական սենյակ որոշում կայացնելու, այն կհրապարակվի վաղը՝ ժամը 10:00-ին:
Հիշեցնենք, Լևոն Սարգսյանին մեղադրանք է առաջադրվել այն բանի համար, որ նա մասնակցելով ՀՀ քաղաքացիներ Արա Կարապետյանի և Արմեն Նիկողոսյանի ստեղծած հանցավոր համագործակցությանը, առանձնապես խոշոր չափերով գույք հափշտակելու նպատակով պատվիրել և ղեկավարել է կազմակերպված խմբի կողմից 2008 թվականի հոտկեմբերի 27-ին ՀՀ ԿԱ մասքային պետական կոմիտեի նախկին նախագահ Արմեն Ավետիսյանին պատկանող, Երևան քաղաքի Իսահակյան փողոցի թիվ 34 «բ» հասցեում գտնվող առանձնատան վրա ավազակային հարձակման կատարումը:
Լիլիթ Շաբոյան
