17.09.2026 | 16:17
Ալեն Սիմոնյանը ներկայացրել է Հայաստանի ազգային անվտանգության դոկտրինի հիմնական սկզբունքներն ու առաջնահերթությունները
Սեյրան Օհանյանը Արայիկ Հարությունյանին ասաց, որ վիճակն արդեն անտանելի է. Շուշիի քաղաքապետ. ՏԵՍԱՆՅՈՒԹ
25.01.2021 | 15:34
«Ես Արայիկ Հարությունյանի մասին կարող եմ ասել, որ երևի ինքն էլ էր խաբված, իրեն զեկուցված լուրերն էլ էին սուտ, մեր բանակում սուտը շատ էր տարածված»,- այսօր հրավիրված մամուլի ասուլիսում այս մասին ասաց Շուշիի քաղաքապետ Արծվիկ Սարգսյանը։
«Նոյեմբերի 5-ի գիշերը Արայիկ Հարությունյանը եկավ Շուշի: Սեյրան Օհանյանը ներկայացրեց, որ վիճակը արդեն անտանելի է, օրհասական պահ է ստեղծվել Շուշիի համար: Հարությունյանը լսեց, հետո հարցրեց մի գնդապետի, չգիտեմ կոնկրետ ում, նա ասաց, որ վիճակը հոյակապ է: Ես գիտեի, որ Քարինտակում ադրբեջանցիներ են, գիտեի, որ ճանապարհին ադրբեջանցիներ են, եթե այդքանը կար, լավը ի՞նչն էր…»,- նշեց քաղաքապետը:
Նա ասաց, որ երբ գնացել են դիրքը պաշտանելու, տեսել են, որ արկերը եղել են, ականանետը՝ ոչ։
«Մի քանի օր առաջ էլ էդտեղ դիրք էինք պահում, 12 հոգով հերթափոխություն անում։ Ամեն ինչ տեսանելի ու լավ էր։ Հետո մեզ էդտեղից հանեցին, թե գնացեք ռեզերվ, ցորն ու մինամյոտը էդտեղ ա, իրենք կհսկեն։ Բայց հետո որ գնացել եմ, արդեն ոչ մինամյոտը կար, ոչ ցորը կար… Ի՞նչ էր կատարվել։ Գնացել ենք, որ տեսնենք ոնց է վիճակը, տեսանք, որ դիրքը չկա։ Այ էդ էր մեր պարտության քայլերից մեկը, որ մեկը մեկին չէր զեկուցում, անտեղյակ էին, որ պաշտպանությունը հանված է այդտեղից», – ասաց քաղաքապետը։
Մանրամասները՝ տեսանյութում:
