19.01.2026 | 09:33
Սարավան-«Զանգեր» կոչվող հատվածում և Ջերմուկ քաղաքում բուք է
Գևորգ Բաղդասարյանը կողմնակալ վերաբերմունք ունի ամբաստանյալների նկատմամբ. Վարդևանյան. ՏԵՍԱՆՅՈՒԹ
Հասարակություն
19.01.2021 | 16:05
Ռոբերտ Քոչարյանի և մյուսների գործով դատական նիստին այսօր Ռոբերտ Քոչարյանի պաշտպան Արամ Վարդևանյանը բացարկ հայտնեց դատախազ Գևորգ Բաղդասարյանին` նշելով, որ դրա համար ունի 2 հիմնավորում. «Առաջինը` Գևորգ Բաղդասարյանն ունի կանխակալ վերաբերմունք ամբաստանյալների նկատմամբ, ինչպես նաև Գևորգ Բաղդասարյանի գործողությունները թույլ չեն տալիս անաչառ դիտորդի մոտ տպավորություն առաջանա, որ Գ. Բաղդասարյանը կարող է լինել անկողմնակալ»։
Վարդևանյանը պնդեց, թե բոլոր այն գործերով որտեղ կան անձինք, ովքեր այս իշխանության հետ անհամատեղելի են, այդ գործերով Գևորգ Բաղդասարյանը լինում է մեղադրանք պաշտպանող. «Բա մի հատ չենք տեսնում, որ Գևորգ Բաղդասարյանը մեղադրի իշխանական դեմքի, բա էդտեղ էլ խնդիր չի՞ լինում, ո՞նց է ստացվում, որ միշտ այն կողմից է ինքը լինում։ Հաշվի առնելով նշված հանգամանքները խնդրում եմ դատախազ Գևորգ Բաղդասարյանին հեռացնել այս վարույթից»։
Մանրամասները՝ տեսանյութում:
Լիլիթ Շաբոյան
