14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Ճիշտ կլիներ, որ յուրաքանչյուր քաղաքացի զենք կրելու իրավունք ունենար. Հովիկ Աղազարյան. ՏԵՍԱՆՅՈՒԹ
Հասարակություն
19.01.2021 | 12:18
«Ճիշտ կլիներ, եթե յուրաքանչյուր քաղաքացի իրավունք ունենար զենք կրել»,- այս մասին Factor.TV-ի հետ զրույցում նշեց «Իմ քայլը» խմբակցության պատգամավոր Հովիկ Աղազարյանը:
«Դա, որպես գաղափար, միշտ է ուղեկցել ինձ, ոչ միայն պատգամավորական գործունեության ընթացքում, այլ նաև որպես շարքային քաղաքացի: Ես մտածել եմ, որ ճիշտ կլինի, որ յուրաքանչյուր քաղաքացի, որն ունի համապատասխան փաստաթղթեր՝ և՛ ոտիկանության կողմից տրամադրված, և առողջապահության համակարգի կողմից, զենք կրելու իրավունք ունենա: Դա չի նշանակում զենքը պետք է դնի գրպանը, փողոցում ման գա, բնականաբար պետք է դա հատուկ սահմանված կանոնակարգով տեղի ունենա: Այսօր այդ հարցն ավելի արդիական է դառնում, ինչ-որ իմաստով հաշվի առնելով նաև սահմանամերձ բնակավայրերի բնակչության անհանգստությունները: Այդ գաղափարը միշտ ուղեկցել է ինձ, այն կդառնա օրենսդրական նախաձեռնություն, թե ոչ, ժամանակը ցույց կտա»:
Աղազարյանը նշեց նաև, որ զենք կրելու վերաբերյալ հարցը չի քննարկվել խմբակցությունում, ոչ էլ իրավաբանների հետ: «Իմ ընկերների հետ եմ քննարկել, նրանք նաև հակադարձում են, որ դա վտանգավոր է այն առումով, որ մարդը կարող է էմոցիոնալ ֆոնի վրա օգտագործել զենքը, և վատ հետևանքեր լինեն: Պետք է մտածել, թե զենք կրելը ինչքանով վտանգավոր կլինի՝ հաշվի առնելով, որ մարդը կգիտակցի, որ դիմացինը նույնպես զենք ունի, և այդ դեպքում շատերը կզգուշանան»,- նշեց պատգամավորը՝ հավելելով, որ որպես պատգամավոր, դրա կարիքը չունի, բայց եթե այդպիսի օրինագիծ ընդունվի, միգուցե նպատակահարմար գտնի զենք կրել:
Մանրամասները՝ տեսանյութում:
