14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Որդին՝ գործազուրկ, հայրը՝ առանց հաճախորդ. պատերազմի ու կորոնավիրուսի տնտեսական հարվածը․ ՏԵՍԱՆՅՈՒԹ
Հասարակություն
18.01.2021 | 20:36
Վահրամ Տեր-Օհանյանը Հայաստան է փոխադրվել կնոջ և որդու հետ՝ 2014 թվականին։ Ասում է՝ դժվարը սկիզբն էր՝ տուն գտնելը, տեղավորվելը, վարձը տալն ու աշխատանք գտնելը։
Արդեն 5 տարի հասցեն անփոփոխ է՝ Նալբանդյան 3/3, մետրոյի «Հանրապետության հրապարակ» կայարանի հարևանությամբ։ Սիրիայի գործն է Երևան բերել․ անցնող տարիների հետ երևանցիները նույնպես սիրել են հալեպյան համ ու հոտը։
Վերջին ամիսներին, սակայն, ո՛չ երևանիցներ են գալիս, ո՛չ էլ հալեպցիներ։ Խոստովանում է՝ կորոնավիրուսը տնտեսական մեծ հարված էր։
Որդին՝ Պետիկ Տեր-Օհանյանը, 27 տարեկան է։ Նա ևս գործազուրկ է դարձել, դարձյալ համավարակի պատճառով․ տուրիստական ընկերությունում էր աշխատում։
Չդառնալ վարակակիր ու տնտեսական դժվարությունները հաղթահարել։ Սրանք Վահրամ Տեր-Օհանյանի ցանկությունն են։ Իսկ երազանքը մեկն է՝ խաղաղություն լինի։
Մանրամասները՝ տեսանյութում։
Իրինա Մկրտչյան
Տեսանյութը պատրաստվել է Տեղահանված և տեղի բնակչության տնտեսական և սոցիալական մասնակցություն ծրագրի շրջանակում՝ Գերմանական միջազգային համագործակցության ընկերության (ԳՄՀԸ) աջակցությամբ ու Գերմանայի Տնտեսական համագործակցության և զարգացման պետական նախարարության, Վրաստանի Զավթված տարածքների, ներքին տեղահանվածների աշխատանքային, առողջապահական և սոցիալական հարցերով նախարարության և «Դոյչէ Վելլե» ակադեմիայի հետ համագործակցության շրջանակում։
ԳՄՀԸ-ն չի կրում որևէ պարտավորություն կամ պատասխանատվություն տվյալ նյութի հստակության, իրավունակության և վստահելիության հարցում
