23.04.2024 | 23:03
Ղրղզստանի երեք շրջաններում ցեխահոսքի պատճառով արտակարգ դրություն է սահմանվել
Իրանի «Radteb Naghsh-e Jahan» ընկերության տնօրենը ՀՀ դեսպանին տեղեկացրել է Հայաստանում տնտեսական գործունեություն սկսելու իր ծրագրերի մասին
Տնտեսություն
16.01.2021 | 18:11
ԻԻՀ-ում ՀՀ արտակարգ և լիազոր դեսպան Արտաշես Թումանյանն ընդունել է կենցաղային սպասարկման ոլորտի սարքերի արտադրության մեջ մասնագիտացած «Radteb Naghsh-e Jahan» ընկերության տնօրեն Մեհդի Ղանադնիյային:
«Վերջինս ՀՀ դեսպանին տեղեկացրեց Հայաստանում տնտեսական գործունեություն սկսելու իր ծրագրերի մասին:
Դեսպան Թումանյանը ներկայացրեց Հայաստանի գործարար միջավայրի առանձնահատկությունները, ԵԱՏՄ երկրների հետ առևտրային գործարքներ իրականացնելու հնարավորությունները:
Ընկերության տնօրեն Ղանադնիյան հայտնեց, որ փետրվար ամսին ձեռնարկության պատվիրակությունը կմեկնի Հայաստան՝ տեղում ծանոթանալու տնտեսական գործունեության հնարավորություններին:
ՀՀ դեսպանը պատրաստակամություն հայտնեց նախնական փուլում աջակցել անհրաժեշտ տեղեկատվության ապահովման հարցում»,- տեղեկանում են Իրանում ՀՀ դեսպանության ֆեյսբուքյան էջից:
