18.04.2024 | 23:30
Էրդողանը կարող է լքել իշխող կուսակցության ղեկավարի պաշտոնը
ՌԴ-ն արագացված տեմպերով նոր՝ ամենածանր ու ամենաարագընթաց անօդաչու թռչող սարքն է փորձարկել
Քաղաքականություն
14.01.2021 | 15:40
Ռուսական «Օխոտնիկ-Բ» հարձակողական անօդաչու թռչող սարքը փորձարկման ժամանակ առաջին անգամ ռմբակոծություն է իրականացրել։ Այս գործընթացը ցույց է տալիս, որ «Օխոտնիկ-Բ» անօդաչուի մշակման փուլն իրականացվում է արագացված տեմպերով, գրում է Forbes-ը։
Ռուսաստանի արևմուտքում տեղակայված Աշուլուկ կրակադաշտում տեղի ունեցած փորձարկումների ժամանակ «Օխոտնիկ-Բ»-ն, որը հագեցած է տուրբոռեակտիվ շարժիչով և մշակված է 46 ֆուտ երկարությամբ «թռչող թևի» սխեմայով, 1100 ֆունտ կշռող ռումբ է նետել:
«Անօդաչուի վրա տեղադրված տեսադաշտի և նավիգացիայի նորագույն համակարգը հնարավորություն են տալիս նետված զինամթերքն այնպիսի ճշգրտությամբ օգտագործել, որը մոտ է բարձր ճշգրտությամբ ղեկավարվող զենքին»», – ասել է ՏԱՍՍ-ի աղբյուրը:
Forbes-ը նշում է, որ անհասկանալի է, թե ինչպես են փորձարկողները կառավարել անօդաչու թռչող սարքը ռմբակոծության ընթացքում: Լրատվականը ենթադրում է, որ ամենայն հավանականությամբ «Օխոտնիկ-Բ» -ն ռադիոկապի միջոցով է հեռակառավարվել:
Հիշեցնենք, որ փորձագետների վարկածով՝ «Օխոտնիկ-Բ»-ն կլինի ամենածանր եւ ամենաարագընթաց դրոնը Ռուսաստանի սպառազինության մեջ. այն կթռչի ժամում գրեթե հազար կիլոմետր արագությամբ եւ կկշռի շուրջ 20 տոննա։
Տաթև Ֆռանգյան
