18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Դատաիրավական բարեփոխումների շատ կարևոր փուլ ենք մտնում․ Փաշինյան. ՏԵՍԱՆՅՈՒԹ
Հասարակություն
14.01.2021 | 11:27
Կառավարության այսօրվա՝ հունվարի 14-ի նիստում ՀՀ արդարադատության նախարար Ռուստամ Բադասյանը ներկայացրեց «Հայաստանի Հանրապետության դատական օրենսգիրք» սահմանադրական օրենքում փոփոխություններ և լրացումներ կատարելու մասին» սահմանադրական օրենքի և հարակից օրենքների նախագծերի փաթեթը:
Նախարարի խոսքով՝ այս փաթեթով ներդրվում է երկու ենթամասնագիտացում՝ մինչդատական վարույթների նկատմամբ դատական վերահսկողություն իրականացնող մասնագիտացված դատավորների ինստիտուտը և կոռուպցիոն հանցագործությունների քննություն իրականացնող դատավորների մասնագիտացում:
«Նախատեսում ենք դատավորների թվակազմի ավելացում, ընդհանուր թվով՝ մինչև 21 դատավորի հաստիք կլինի Առաջին ատյանի դատարանում ու 3 դատավորի հաստիք՝ Վերաքննիչ քրեական դատարանում», – նշեց Բադասյանը:
Վարչապետ Նիկոլ Փաշինյանը նշեց, որ դատաիրավական համակարգի բարեփոխումների շատ էական փուլ են մտնում: Նրա խոսքով՝ առաջիկայում նախատեսվում է պարեկային ոստիկանության ձևավորում: «Կալանքի ու ձերբակալության հետ կապված հարցերի վերաբերյալ առանձնացնում ենք դատարանի որոշակի կազմ, որը կքննի միայն մինչդատական վարույթի վերաբերյալ գործերը: Ընդ որում, սա աշխարհում լայնորեն կիրառվող պրակտիկա է», – ասաց Փաշինյանը:
Նա նշեց, թե դատավորների ընտրության ու նշանակման նոր պրոցեդուրա է կիրառվելու, որտեղ ամենակարևորը բարեվարքության ստուգումն է, որը շատ լայնորեն քննարկվում է:
Մանրամասները՝ տեսանյութում:
