17.09.2026 | 14:40
Կոռուպցիոն սկանդալի ֆոնին՝ Զելենսկին Ուկրաինայի գլխավոր դատախազի պաշտոնակատար է նշանակել
«Վերջում կպատասխանեմ». Լևոն Երանոսյանի գործով նիստը շարունակվում է
Հասարակություն
14.01.2021 | 11:24
Տևական ընդմիջումից հետո, Երևանի ընդհանուր իրավասության դատարանում շարունակվում է նախկին փոխոստիկանապետ Լևոն Երանոսյանի գործով դատական նիստը:
Այսօր շարունակվում է գործում առկա տեսանյութերի հետազոտումը: Նիստին տուժողները չեն ներկայացել:
Նախքան դատական նիստերի դահլիճ մտնելը Լևոն Երանոսյանը Factor.am-ի հարցին, թե պատերազմի օրերին որտե՞ղ էր գտնվում ինքը, քանի որ հակասական լուրեր էին շրջանառվում, ասաց՝ կխոսի նիստի ավարտին:
Այս պահին կողմերը դիտում են սկավառակներում առկա տեսանյութերը:
Լևոն Երանոսյանը, հիշեցնենք, մեղադրվում է ՀՀ քրեական օրենսգրքի 309-րդ հոդվածի 2-րդ մասի 3-րդ կետով: Ըստ նախաքննական մարմնի` 2018 թ. ապրիլին հատուկ միջոցների գործադրմամբ դիտավորությամբ նա կատարել է այնպիսի գործողություններ, որոնք ակնհայտորեն դուրս են եկել իր լիազորությունների շրջանակից և էական վնաս պատճառել քաղաքացիների իրավունքներին ու օրինական շահերին, ինչպես նաև անզգուշությամբ առաջացրել են ծանր հետևանքներ։
Լիլիթ Շաբոյան
