ԱԺ տնտեսական հարցերի մշտական հանձնաժողովում Հայաստանի Հանրապետության հարկային օրենսգրքում փոփոխություններ և լրացումներ կատարելու մասին նախագծի քննարկման ժամանակ, անդրադառնալով միկրոձեռնարկատիրության վերաբերյալ դրույթին, հանձնաժողովի անդամ Ծովինար Վարդանյանը նշեց, որ դրական վերաբերմունք չունի նախագծի նկատմամբ, քանի որ ռիսկեր է տեսնում:
Նախագծի հեղինակ, ԲՀԿ խմբակցության պատգամավոր Միքայել Մելքումյանը չցանկացավ անդրադառնալ Ծովինար Վարդանյանի հարցերին:
«Եթե պարոն Մելքումյանը տրամաբանական պատասխան ունենար, անպայման կհնչեցներ: Հարցից խուսանավելը չփարատեց իմ կասկածները, որ ռիսկեր կան»,- նշեց Վարդանյանը:
«Չափի մեջ մնացեք»,- բորբոքվեց Մելքումյանը: Նա առաջարկեց շրջանառությունից հանել իր ներկայացրած նախագիծը, որն արդեն առաջին ընթերցմամբ ընդունվել էր լիագումար նիստում:
Հայաստանի Հանրապետության հարկային օրենսգրքում փոփոխություններ և լրացումներ կատարելու մասին օրենքի նախագծով Մելքումյանն առաջարկում էր ընդլայնել միկրոձեռնարկատիրության դաշտում գործող անհատ ձեռնարկատեր չհանդիսացող ֆիզիկական անձանց շրջանակը, որոնք զբաղվում են որոշակի գործունեությամբ:
Մանրամասները՝ տեսանյութում:
