14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Թոշակ, աշխատավարձ վճարելու խնդիր չունենք. ֆինանսների փոխնախարար. ՏԵՍԱՆՅՈՒԹ
Տնտեսություն
12.01.2021 | 11:33
Տարբեր թիրախային խմբերին աջակցության ծրագրերը դեռևս ընթացքի մեջ են և մեկ գործընթաց, որը դեռ չի ավարտվել, դրա ֆինանսական ծախսի մասին խոսելը ժամանակավրեպ է։ Կլինի պետական բյուջեի կատարման հաշվետվություն, որտեղ մանրամասն ներկայացված կլինի այդ տեղեկատվությունը։ Այս մասին այսօր ԱԺ-ում լրագրողների հետ զրույցում ասաց ՀՀ ֆինանսների փոխնախարար Արման Պողոսյանը։
Հարցին, թե «Հայաստան» համահայկական հիմնադրամից վերցված 53 մլրդ դրամը որ ուղղություններով է ծախսվել, Ֆինանսների փոխնախարարը նշեց, որ եղել է նախարարության պաշտոնական հրապարակումը, Ֆինանսների նախարարի մեկնաբանությունն ու բացատրությունն այդ հարցի առնչությամբ:
«Սրանով չենք սահմանափակվի։ Բնականաբար առաջիկայում կլինի նաև պետբյուջեի կատարման մանրամասն հաշվետվություն, որտեղ վստահաբար կտեսնեք բոլոր հնարավոր հարցերի պատասխանները»,- նշեց Արման Պողոսյանը։
Փոխնախարարը հերքեց այն տեղեկատվությունը, որ կենսաթոշակի բաժանման ճգնաժամ է առաջացել և հիմնադրամից վերցված գումարն այդ նպատակով են օգտագործել: «Ֆինանսների նախարարությունը հայտնել է, որ միասնական բյուջետային գործընթացի, առաջնահերթությունների, գերակայությունների շրջանակներում այդ միջոցների տնօրինում է իրականացվել»,- ասաց Արման Պողոսյանը՝ ընդգծելով՝ աշխատավարձերի և կենսաթոշակներ վճարելու խնդիր չունենք։
Մանրամասները՝ տեսանյութում:
