05.07.2026 | 22:44
Աշխարհի առաջնությունների պատմության մեջ առաջին անգամ ֆուտբոլիստի կարմիր քարտը չեղարկվել է
ՀանրաԴիտակ. Ինչպե՞ս են ծախսվում ատամնաբուժական պետպատվերի միլիոնները. ՏԵՍԱՆՅՈՒԹ
Հասարակություն
18.01.2018 | 19:44
Սոցիալապես անապահով և խոցելի տարբեր խմբերի համար պետական բյուջեից տրվող գումարների արդյունավետությունը լուրջ խնդիր է, սակայն կա մեկ ծառայություն, որի մասին չգիտեն ու չեն էլ ենթադրում անգամ շահառուները՝ ստոմատոլոգիական անվճար ծառայություն, որի համար պետական բյուջեից ամեն տարի 1.5-2 մլն դոլար է հատկացվում:
Սա, իհարկե չափազանց քիչ է, եթե համադրում ենք կառավարության ծառայողական մեքենաների տարեկան մի քանի միլիոնը գերազանցող ծախսի հետ, սակայն առավել մտահոգիչ հարց է, թե որքանո՞վ են այդ անվճար ատամնաբուժական ծառայությունները հասանելի իրական շահառուներին և արդյոք արդյունավետ են ծախսվում բյուջեի հատկացումները:
Սահմանադրությամբ սոցիալական պետություն հռչակված Հայաստանում առողջապահությանը տրամադրվում է չափազանց քիչ գումարը, որն էլ առաջիկա երեք տարիներին ավելի է կրճատվելու՝ կազմելով ՀՆԱ-ի 1.4 %: Միայն 2018 թվականին առողջապահական բյուջեն 12 մլն դոլարով կրճատվելու է, օրինակ հենց նույն ատամնաբուժական ծառայությունների համար տրվող գումարները կրկնակի քիչ կլինեն՝ մոտ 839 հազար դոլար, սա ավելի քիչ է քան այն գումարը, որ Երևանի քաղաքապետարանը կծախսի իր ծառայողական մեքենաների ավտոպահեստամասերի վրա, սակայն պետք է պահանջել, որ այդքանը գոնե ծառայի իր նպատակին և չկորի պետպատվերների անվերահսկելի շղթայում:
Սոնա Մարտիրոսյան
Գայանե Աբրահամյան
